“Bokake Anij” District Convention
1 District convention ko ad kajjojo yiõ rej letok ñan kij juõn ien emõn ñan ad kaibujuij Jehovah. Eñjake ko ad rej einlok wõt ko an David, eo ear al: “I naj kamolol Yuk ilo jar eo elap, i bwiljin elõñ armij I naj nebar Yuk.” (Sam 35:18) Ilo “Bokake Anij” District Convention eo ej berotok, ewi wãwen jemaroñ kõmman bwe einwõt juõn jar in armij eburukuk, jemaroñ bõktok nebar ñan Jehovah?
2 Baotokid: Ñan kõmman bwe nuknuk ko ad im baotokid ren bõktok nebar ñan Jehovah jej aikwij kwalok ettã buru. (1 Tim. 2:9) Ministry School book eo, peij 132, ej ba: “Juõn armij ettã buruen ej itoklimo in lale bwe en jab lõkatipi ro jet im ejjab kõmman bwe armij ren reilok ñan e.” Ilo elõñ ailiñ ko, ekkã an armij ro kõnak nuknuk ko rejakkar. Bõtab, Jehovah ej kaorõk jibadbad ko jej kõmmani bwe en ekkar wãwen ad jutak ilo etan. (Jerbal 15:14) Kin men in, ñe jej kweloklok iman Jehovah, jej aikwij kõnak nuknuk ko rej kwalok kautiej eo ej tellokin Eo eutiej bõtata ijoko otemjej ilañ im ilal.—1 Kron. 29:11.
3 Kautiej Table eo an Jehovah: Iroij Bõtata eo ijoko otemjej ilañ im ilal ear keboj ñan kij juõn kwojkwoj elap. (Ais. 25:6; 1 Kor. 10:21) Elañe jej lukkun kaorõk ad bed ilo table eo ilo jitõb an Jehovah, mejenkajjik eo ad enaj bwe jen bed ilo aolep program ko ilo convention eo. Kwonañin ke kõmman karõk ko kin jikin bed, ial in ito-itak, im ien kakije jen jerbal eo? Kwar karõk ke bwe en bwe ien ami kebojak im ito-itak bwe en mõkaj ami itok ñan jikin convention eo ñan bukõt jea ko, ñan kamao ibben ro jeimi im jatimi, im ñan koba ibbeir ilo lelok nebar ñan Jehovah ilo al in kabellok im jar?—Sam 147:1.
4 Kautiej table eo an Jehovah enaj kamakit kij ñan ad lukkun roñjake program eo im bõprae ad bwebwenato ibben ro jet, mõñã, ak etetal inabõj in jikin eo jej kwelok ie. Ikijen class in ri karejar eo etiljek im meletlet, Jehovah ej letok ekan ko lor jitõb me jej aikwiji kiõ. (Mat. 24:45) Jen jab likjap jen jabdewõt mõttan in program eo. Ritto ro rej aikwij jijet ibben ro nejiir im jibañ ir ñan bõk tokjen eo elaptata.—Dut. 31:12.
5 Jej kijerjer in reimanlok ñan ien in emõn ñan kaibujuij Jehovah “ilo jar ko.” (Sam 26:12) Ilo burukuk jen nebar Jehovah ilo “Bokake Anij” District Convention eo.