Kõmman Bible Study ko Rej Wõnmanlok Part 8
Kareilok Ri Katak Ro ñan Dolul eo
1. Etke ewõr tokjen ñan kwalok juõn point kin dolul eo an Jehovah kajjojo week ilo juõn Bible study?
1 Mejenkajjik eo ad ñe jej kõmman Bible study ko ejjab ñan baj katakin wõt ir kin katak ko ak jekõnan bareinwõt jibañ ir ñan erom mõttan congregation in Christian eo. (Zech. 8:23, NW) Brochure eo Jehovah’s Witnesses—Who Are They? What Do They Believe? (Ri Kennan Ro an Jehovah—Wõn Ir? Ta eo Rej Tõmak?) emaroñ jibañ kij ñan kõmmane men in. Lelok juõn copy ñan ri katak ro rekãl, im rejañ ir ñan readi. Bareinwõt, bõk jejjo wõt minute ko ilo katak eo kajjojo week ñan kwalok juõn point kin dolul eo an Jehovah.
2. Ewi wãwen kwomaroñ rejañ ri katak Bible ro am ñan bed ilo kwelok ko an congregation eo?
2 Kwelok ko an Congregation eo: Wãwen eo elaptata emaroñ eddeklok kamolol eo an ri katak Bible ro kin dolul eo an Anij ej ikijen air koba ibbed ilo kwelok ko an congregation eo. (1 Kor. 14:24, 25) Kin men in, kwomaroñ jino kamineneik ir ilo am kamelele kin kwelok ko lalem ilo juõn week, juõn lok juõn kajjojo week. Kwalok unin tel in public talk in tok. Kwalok katak eo jenaj etale ilo Katak in Imõniaroñroñ im ilo Congregation Book Study. Kamelele kin Theocratic Ministry School im Service Meeting eo. Ñe kwoj aikwij kwalok juõn katak ilo school eo, bõlen kwomaroñ kamelmel kake ibbeir. Kwalok point ko relap rar walok ilo kwelok ko. Kajerbal pija ko ilo book ko ad ñan jibañ ir lo ta eo ej walok. Jen ien katak eo moktata, kir ir ñan kwelok.
3. Ta wãwen ko ikijen dolul eo jemaroñ bwebwenato kaki?
3 Ñe ej ebak ien Kwojkwoj in Kememej eo, assembly ko, im lotok eo an circuit overseer eo, bõk jejjo minute ko ñan kamelele im kalaplok air kijoror kin karõk kein. Jidik kin jidik uak kajitõk kein: Etke jej bõk ãt in Ri Kennan ro an Jehovah? Etke jej naetan jikin ko jej kwelok ie Kingdom Hall ko? Ta jerbal ko an elder ro im ministerial servant ro? Ewi wãwen rej karõk jerbal in kwalok nan im territory ko? Ewi wãwen rej kõmmane book ko ad? Ewi wãwen rej kõllã aikwij ko an dolul eo? Ta jerbal eo an ra eo im Governing Body eo ikijen lolorjake jerbal eo?
4, 5. Ewi wãwen video ko ad remaroñ kalaplok kamolol kin dolul eo?
4 Video ko Rej Katakin: Bar juõn wãwen ri katak Bible ro remaroñ lo dolul eo ekabwilõñlõñ an Jehovah ej ikijen video ko ad. Men kein remaroñ bõklok ir To the Ends of the Earth (Ñan Jabõn ko Jabõn Lal), im kwalok kajjiir ñan Our Whole Association of Brothers (Dolul in Jimjãn Jimjatid), im kwalok ñan ir kin ewi wãwen jej United by Divine Teaching (Burukuk Ikijen Katak ko Rekwojarjar). Juõn kõrã eo ear bõk magazine ko ad im book ko jet iumin lalem yiõ ear jañ ke ear aluije video eo Jehovah’s Witnesses—The Organization Behind the Name (Ri Kennan ro an Jehovah—Dolul eo Ilikin Ãt In). Ear liki Ri Kennan ro me rar lolok e, ak elikin an aluije video eo, ear eñjake an maroñ liki dolul eo bareinwõt. Rar jino katak Bible ibben, im week eo tok juõn, ear bed ilo kwelok ko ilo Kingdom Hall eo.
5 Ilo ad jolok jejjo minute ko kajjojo week ibben ri katak ro ad im ilo ad kajerbal kein jerbal ko einwõt book, magazine, im video ko ñan kamelele kin Bible eo, jidik kin jidik jenaj maroñ kareilok ri katak eo ñan dolul eo wõt me Jehovah ej kajerbale rainin.
[Kajjitõk ko]