Jibañ Ro Nejõm Ñan Air Kõmman Wõnmanlok ilo Jerbal in Kwalok Nan
1 Christian jemen im jinen ro rej inek eddo eo eaorõk ñan katakin ro nejiir jen ien rej dik wõt ilo jerbal in kwalok nan. Remaroñ kõtõbrak men in ilo elõñ wãwen ko. Jet ajiri ro remaroñ elij nan kin nan juõn eon ilo Bible mokta jen air maroñ read. Men in emaroñ lap an jelet ro rej roñjake. Ñe rein rej rittolok, remaroñ kalaplok men ko rej kõmmani ilo jerbal in kwalok nan. Ewi wãwen kom ro jemen im jinen kom maroñ jibañ ro nejimi ñan air bõk kunair ilo jerbal in kwalok nan? Bõlen nan in rejañ kein tok renaj jibañ.
2 Elikin juõn nan in yokyokwe, kwomaroñ ba:
◼ “Ladik in nejiõ, [kwalok etan], ekõnan konono ñan yuk kin juõn eon elap an aorõk.” Nejõm emaroñ ba: “Eon in ilo book in Sam ear katakin iõ kin etan Anij. [Ajiri eo ej konono ak elij Sam 83:18.] Magazine kein rej konono kin ta eo Jehovah Anij enaj kõmmane ñan kij. I maroñ ke lewõj?” Kwomaroñ kajemlok bwebwenato eo ilo am kamelele kin ewi wãwen jerbal eo ad ibelakin lal ej wõnmanlok.
3 Ak kwomaroñ kajeoñe wãwen in:
◼ “Yokwe. Ij katakin ledik eo nejiõ, [kwalok etan], ñan an kwalok itoklimo kin ro jet ilo bukwon in. Ekõnan kwalok ñan yuk juõn ennan ekadu jen Bible eo.” Ledik eo emaroñ ba: “Juõn wãwen I kõnan jibañ armij ej ilo aõ kwalok kin kejatdikdik eo ilo Bible kin ilju im jeklaj. [Ajiri eo ej konono ak elij Reveles̃õn 21:4.] Magazine kein rej kamelele kin ta eo Ailiñ in Anij enaj kõmmane ñan kij. Ij kejatdikdik bwe kwonaj mõnõnõ in readi.”
4 Keini kajerbal juõn ennan elamwan enaj jibañ ajiri ro ñan liki maroñ eo air ñan kwalok kin ennan in Ailiñ eo. Ien kamelmel ko kin kilen air konono ilo alikar im kin juõn ainikien emõn joñan enaj kamaroñ ir ñan konono iumin elõñ wãwen ko. Kebojak lok iman ilo emõn im nan in nebar ko remol renaj jibañ ro redik ñan kwalok tõmak eo air.
5 Tokjen rejañ rot in, elõñ ro redik rar tellokiir ri kwalok ro rejañin baptais. Ej juõn lañliñ elap ilo ad lo ro nejid rej kõmman wõnmanlok ilo jerbal in Christian!—Sam 148:12, 13.