Jerbal Eo Ibelakin Lal Ñan Kejelã Kin “Lomor Eo Ej Ebak!” District Convention Eo
Ri Kwalok Ro ilo Kajjojo Congregation ñan Leto-letak Handbill
1 Jino jen maan rak in 2006 ilo Tu Eañ in lal in im manlok wõt ñan ien eo enaj dedelok aolep district convention ko ibelakin lal, juõn jerbal ibelakin lal ej bojak in walok ñan kejelã kin district convention ko renaj kõmman ilo 155 ailiñ ko. Jerbal in enaj koba special convention ko me kar karõk bwe ren walok ilo Germany, Czech Republic, im Poland ilo July im ilo week eo jinoin ilo August 2006.
2 Kinke jej mour ilo jemlokin jukjuk im bed in, convention ko me rej kalikar kin kallimur eo an Anij kin lomor eo jen jukjuk im bed in enana, rej aikwij lukkun kaitoktoklimo ñan armij ro. Ennan eo ej aikwij kamakit ir ñan air lemnak kin ta eo ej bed iman. Bwe jen maroñ lelok ñan elõñ million armij ro jerammõn eo ñan roñjake ennan eo kin kainemõn im kejatdikdik, elõñlok jen 98,000 congregation ko an Ri Kennan ro an Jehovah kar rejañ ir bwe ren bõk kunair ilo kejelã eo kin convention eo me kar kir ir ñane.
3 Naj lelok ñan congregation ko elõñ handbill ko bwe kajjojo ri kwalok ro en wõr ibbeir joñan in 50 handbill ko. Elañe enaj wõr bwen handbill ko remaroñ ajeji ñan pioneer ro ilo congregation eo. Ilo kajjojo congregation, jerbal in leto-letak in enaj ijjino jilu week moktalok jen ran in kabellok eo an convention eo me kar kõlajrake ñan congregation eo. Menin enaj kõmman bwe en bwe ien ñan air kamwij enañin aolepen territory eo an congregation eo.
4 Kar rejañ bwe ilo jabdewõt jikin ko jen lelok ñan armij ro kajjojo imweo juõn handbill. Bõtab, elañe ejelok armij ilo mweo, jemaroñ likit juõn handbill ilo kejam eo, ijo ro rej etetal bajjek rejjab maroñ loe. Jej aikwij kate kij ñan leto-letak aolep handbill ko iumin week kein jilu.
5 Jej liki bwe ikijen kate eo an aolep ibelakin lal jenaj lelok juõn kennan elap kin “Lomor Eo Ej Ebak!” District Convention eo kar kwalok kake ilo katak in. Kimij jar bwe Jehovah en kajerammõn jibadbad ko am relap ilo am bõk kunam ilo jerbal in ibelakin lal.