Letter An Ra eo

Yokwe Ri Kwalok Ro kin Ailiñ eo:

Kimij kõnan kwalok am kamolol kin yokwe im jibañ eo kar lelok ñan thousand ro jeid im jatid ke kõto ko relap ear jelet im kokkure Gulf Coast ilo 2005.—Jon 13:35.

Juõn brother eo ear aikwij ko jen kabijuknen jen kõto eo elap etan Katrina ear ba: “Kim ar itok kin nuknuk ko ad jaar kajerbali wõt. Ro jeid im jatid rar kõmman karõk ko rar men in aikwij ñan air jibañ. Rar karuwaineneik kim. Rar kõnan bwe kimin bedwõt.”

Elõñlok jen 8,000 ro jeid im jatid maan im kõrã rar jerbal ibben 60 Regional Building Committee ko me rar lelok air ien, kabel ko air, im mweiuk ko air ilo jerbal in jibañ eo. Rar jibañ ñan kõkãl ak bar kalek 86 Kingdom Hall ko im 4,178 moko. Ej wõr wõt 5 Kingdom Hall ko rej aikwij kõmmani im ewõr 722 moko imõn armij rejañin dedelok. Jet ian brother ro rar itoitak jen jabõn ko turear ñan jabõn ko turilik in United States ñan air jibañ. Elap ad kamolol kin jibañ eo air kin yokwe!—1 Tes. 5:18.

Juõn kõrã jen Michigan ear ba: “Iar lañliñ ke iar lo an family ko ettõñdikdik ke rar lo bõrwoj in moko imwiir ke kim ad kaleke. Elap aõ kamolol bwe ij mõttan juõn dolul in jimjãn jimjatin elukkun emõn.”

Kimij kajitõk bwe komin wõnmanlok wõt im jar kin aolep rein jeid im jatid—ro me rar jorrãn im ro me rej lelok jibañ.—2 Kor. 1:11.

Ro jeim im jatim,

United States Branch Office