Jerbal in Kwalok Nan eo Elaptata Lal in ear Jelã Kake!
Iumin elõñlok jen 100 yiõ ko, kar karõk Ri Kennan ro an Jehovah ñan air kajededlok news eo emõn. (1 Kor. 9:23) Ilo jerbal in kwalok eo elaptata lalin ear jelã kake, jej kwalok kin news in emõn ilo elõñ buki kajin ko. Jej kwalok kin ennan in ilo elõñlok jen 230 ene ko. (Mat. 24:14) Ak etke jerbal in ej juõn menin aikwij? Im ewi wãwen rej kõtõbrak menin ilo juõn joñan elap ibelakin lal in?
Pija eo Jehovah’s Witnesses—Organized to Share the Good News (Ri Kennan ro an Jehovah—Rej Kon ilo Air Kwalok kin News eo Emõn) ej uak kajitõk kein ikijen an kwalok tibdikin elõñ mõttan ko kin jerbal eo ad ibelakin lal in. Ilo am aluije pija in, lemnak kin kajitõk kein: (1) Ewi wãwen kar karõk im tel jerbal eo ad? (2) Ewi wãwen Department in jikin Jeje, Ukok, Jiña, im Kajañjañ im Kõmman Pija ko rej bõk kunair ñan kennan kin news eo emõn? (3) Ta un eo unin kar kalaplok jerbal in kõmman book ko im jilkinloki ilo wa ko? (Jon 17:3) (4) Jete oran book ko rej kõmmani ilo juõn yiõ? (5) Ta ko book ko ad rej bedbed ion Bible eo rar kõtõbraki? (Hib. 4:12) (6) Ta eo kar kõmmane ñan kwalok jelãlokjen eo kin Bible ñan ro ri jaroñroñ im ro ri bilo? (7) Ewi wãwen jej bõk jããn kin wõnãn jerbal eo ad? (8) Ewi wãwen jej bõk tokjen jen jerbal eo an Hospital Information Services (Department in Lelok Melele ko kin Doctor), Service Department (Department in Kwalok Nan), im Convention Department eo (Department eo Ej Lolorjake Kwelok Ko Relap)? (9) Einwõt juõn ian Ri Kennan ro an Jehovah, ewi wãwen pija in ej kalaplok am melele im kamolol kin (a) jibadbad ko dolul eo an Jehovah ej kõmmani ñan kwalok kin news eo emõn? (b) elõñlok jen 100 family ko ilo Bethel ibelakin lal in? (c) kaminene eo kin school in Bible eo kar lelok ñan overseer ro im missionary ro? (d) aorõkin ad jino kajjojo ran ilo ad etale juõn eon jen Bible im kebojak ñan kwelok ko an congregation kajjojo week? (e) tokjen ko ilo ad bed ilo kwelok ko an Christian? (f) ta naj melelen Paradise ion lal? (Ais. 11:9) (g) ad bõk ijo kunad ilo jerbal in madmõd eo?—Jon 4:35.
Ta uak ko remõn kwoj loi ñe kwoj kwalok pija eo ñan ro nukõm, ro kwo jelã kajeir, ro kwoj bar jeblak ibbeir, im ri katak Bible ro am? Etke kwojjab kwalok pija in im jaketo-jaketak news eo emõn ibben bar juõn armij kiõ?—Mat. 28:19, 20.