Waanjoñak ko kõn Kilen Lel̦o̦ke Bok In

Jino Katak Baibõl̦ Ippãn Armej ro ilo Jãdede eo M̦oktata ilo Allõñ in Mãe

“Kõmij rõjañ aolep armej ro ñan riiti Baibõl̦ ko aer. Bõtab, elõñ armej rej ba bwe epen aer mel̦el̦e kobban Baibõl̦ eo. Kwõj ke bar bõk l̦õmn̦ak in? [Kõtl̦o̦k an uwaak.] Ikõn̦aan kwal̦o̦k ñan eok juon men.” Kwal̦o̦k tulikin Naan in Keeañ eo an Eprõl̦ 1. Innem, etale ippãn mel̦el̦e ko rej pãd ium̦win kajjitõk eo kein kajuon im juon iaan ko eoon ko ie. Lel̦o̦k juon an bok im karõk ñan bar jepl̦aak ippãn ñan amiro bwebwenato kõn kajjitõk eo tok juon.

Naan in Keeañ Eprõl̦ 1

“Aolep armej rej jelm̦aik apañ ko. Kõn men in, jet rej l̦õmn̦ak el̦aññe remaroñ m̦õn̦õn̦õ ilo mour in. Ak ñan baj kwe, ta men eo el̦aptata an kõm̦m̦an bwe armej ren jab m̦õn̦õn̦õ rainin? [Kõtl̦o̦k an uwaak.] Baibõl̦ ej kallim̦ur bwe m̦õttan jidik Anij enaaj jol̦o̦k apañ ko jej jelm̦aiki rainin. [Riit Revelesõn 21:⁠4.] Bok in ej kwal̦o̦k kõn men ko rem̦m̦an renaaj wal̦o̦k ilju im jekl̦aj kab ta eo emaroñ jipañ kõj ñan lo m̦õn̦õn̦õ ilo mour eo ad kiiõ.”