Kõjerbal Pijain Alwõj ko ilo Am̦ Katakin
Ke Jeova ear lel̦o̦k mel̦el̦e ko raorõk ñan Ebream im Jeremaia, ear jab baj kõnnaan wõt ak ear kwal̦o̦k ñan er bwe ren loe kõn mejãer. (Jen. 15:5; Jer. 18:1-6) Jemaroñ jipañ ri katak ro ad bwe ren mel̦el̦e im kile aorõkin katak ko rem̦ool jãn Baibõl̦ eo ikijjeen ad kõjerbal pijain alwõj ko. Erkein ej jet waanjoñak ko kõn iien ko me emaroñ em̦m̦an ñan ad kaalwõj ri katak ro ad kõn pija ko ad. Keememej bwe laajrak in ejjab juon kien me kwõj aikuj kõm̦m̦ane ñan aolep ri katak ro am̦. Emaroñ oktak ekkar ñan aikuj ko an kajjojo ri katak ro.
Bok eo etan Katak ko Rem̦ool
◻ Katak 1: Ãlikin ami etale pãrokõrããp 17, alwõje pija eo kõn menin kõm̦anm̦an ko an Anij (The Wonders of Creation Reveal God’s Glory)
◻ Katak 2: Ñe ejem̦l̦o̦k pãrokõrããp eo ãliktata, alwõje pija eo kõn Baibõl̦ (The Bible—Mankind’s Oldest Modern Book)
◻ Katak 9: Ãlikin ami etale pãrokõrããp 14, alwõje pija eo kõn jerbal in kwal̦o̦k naan (Jehovah’s Witnesses—Organized to Share the Good News)
◻ Katak 14: Ñe ejem̦l̦o̦k pãrokõrããp eo ãliktata, alwõje pija eo juon kõn Baibõl̦ (The Bible—Its Power in Your Life)
◻ Katak 15: Ãlikin ami etale pãrokõrããp 10, alwõje pija eo kõn ri tõmak ro m̦õttad ipel̦aakin lal̦ in (Our Whole Association of Brothers)
Bok eo etan “Yokwe eo An Anij”
◻ Katak 3: Ãlikin ami etale pãrokõrããp 15, alwõje pija eo an jodrikdrik (Young People Ask—How Can I Make Real Friends?)
◻ Katak 4: Ñe ejem̦l̦o̦k pãrokõrããp eo ãliktata, alwõje pija eo kõn Moses im Kora (Respect Jehovah’s Authority)
◻ Katak 7: Ãlikin ami etale pãrokõrããp 12, alwõje pija eo kõn bõtõktõk (No Blood—Medicine Meets the Challenge)
◻ Katak 9: Ãlikin ami etale pãrokõrããp 6, alwõje pija eo kõn Ri Israel ro me rar jab pokake (Warning Examples for Our Day)
◻ Katak 17: Ñe ejem̦l̦o̦k pãrokõrããp eo ãliktata, alwõje pija eo kõn aorõkin an aikuj wõr ad tõmak (‘Walk by Faith, Not by Sight’)
Ebar ke wõr pija me emaroñ jipañ ri katak ro am̦? Ñan waanjoñak, el̦aññe ri katak ro am̦ rej iioon jum̦ae, bõlen enaaj em̦m̦an ñan er pija eo kõn ri tõmak ro m̦õttad me rar tiljek wõt meñe ear pen ñan er ilo kar pata ko an lal̦ in (Faithful Under Trials—Jehovah’s Witnesses in the Soviet Union im pija eo Jehovah’s Witnesses Stand Firm Against Nazi Assault). El̦aññe kwõj katak ippãn jodrikdrik ro, kwõmaroñ kaalwõj er kõn pija eo kõn Timote (Pursue Goals That Honor God) im pija in jodrikdrik eo juon (Young People Ask—What Will I Do With My Life?). Kwõmaroñ je laajrak kein ilo bok in katak ko am̦ bwe kwõn keememej ñããt eo kwõmaroñ alwõj ippãn ri katak eo am̦ ak lil̦o̦k pija ko bwe en alwõji. Ñe ej wõr pija kããl, em̦m̦an ñe kwõj lale ñããt eo em̦m̦an kwõnaaj kõjerbali ñan jipañ ri katak ro am̦ bwe katak ko ren tõpar bũrueer.—Luk 24:32.