Kilen bwe En Em̦m̦anl̦o̦k Wõt Ad Kwal̦o̦k Naan—Jino Juon Rũkkatak ilo Ad Jutak Turin Kõjãm eo im Kõjerbal Bok eo Juon Ennaan Em̦m̦an Jãn Anij!
Unin an Aorõk Kõl In: Bwe jen maroñ in kõm̦m̦an rũkal̦oor, emenin aikuj bwe jen jel̦ã katakin ro jet kõn Naanin Anij. (Matu 28:19, 20) Kõj aolep jemaroñ lo tõprak ilo ad kõm̦m̦ane men in. Ewi wãween? Ej ikijjeen ad kõjerbal kein jerbal ko kar kõm̦m̦ani im litok ñan jipañ kõj. Ñan waanjoñak, unin kar kõm̦m̦ane bok eo Juon Ennaan Em̦m̦an Jãn Anij! ej ñan katak Baibõl̦ ippãn armej ro. Im joñan an pidodo kõjerbale, jemaroñ kajju jino juon ad rũkkatak Baibõl̦ ilo iien eo jinointata ad kõnnaan ippãn ilo kõjãm eo an.
Kõm̦m̦ane Men in Ilo Allõñ In:
Jar bwe kwõn kõn̦aan katak Baibõl̦ ippãn armej. Bareinwõt, akwel̦ap ñan Jeova bwe en jipañ eok lo juon am̦ rũkkatak im bwe kwõn maroñ juon eo elukkuun jel̦ã katakin ro jet kõn Baibõl̦.—Pil. 2:13.
Ilo iien kabuñ an baam̦le eo am̦ ak iien eo kwõj katak ippam̦ make, kwõn bõk iien ñan am̦ kakkilõklõke ta ko kwõnaaj ba ñan armej ro ilo jerbal in kwal̦o̦k naan. Innem ñe kwõj kwal̦o̦k naan, men in enaaj jipañ eok ñan peran in kõnono im jino juon rũkkatak ilo am̦ jutak ilo turin kõjãm eo.