Kilen bwe En Em̦m̦anl̦o̦k Wõt Ad Kwal̦o̦k Naan—Lel̦o̦k Bok eo, Katak ko Rem̦ool
Unin an Aorõk: Katak ko Rem̦ool jãn Baibõl̦ Eo ej bok eo el̦aptata ad katak kake ippãn armej. Innem, bwe jen maroñ katak ippãn juon kake, jej aikuj m̦okta lel̦o̦k bok in ñane. Mel̦el̦ein bwe jej aikuj jel̦ã kilen kwal̦o̦k naan kake ippãn armej bwe jen maroñ lel̦o̦k juon aer bok. (JK. 22:29, UBS) Elõñ wãween ko jemaroñ kõjerbali kõn kilen kwal̦o̦k naan kake bok in. Innem, kõj kajjojo jen kajjioñe wãween ko jenaaj lo tõprak ie.
Kõm̦m̦ane Men in ilo Allõñ In:
Kõmmãlmel kõn men in ilo iien kabuñ an baam̦le eo am̦.
Ñe kwõj pãd ilo kwal̦o̦k naan, kwõn kwal̦o̦k ñan rukwal̦o̦k ro m̦õttam̦ ta eo kwõnaaj ba ñan armej ro ilo m̦weo. (JK. 27:17, UBS) Ñe kwõj loe bwe naan ko kwaar kõpooji rejjab lukkuun kãitoklimoen rũm̦weo, kwõmaroñ kõnnaan kõn bar juon men.