Iien eo Jenaaj Leto Letak Peba in Kũr eo ñan Kweilo̦k El̦ap

Kajjojo iiõ, jej reim̦aanl̦o̦k ñan kweilo̦k el̦ap eo (regional convention) ñan ad bũki ekkan ko ilo kõkkar me em̦õj an Jeova kõpooji ñan kõj. Kõnke jekõn̦aan bwe ro jet ren bar edjoñ im lo bwe Jeova ejouj im em̦m̦an, jenaaj kajjioñ kũrtok elõñ armej ro ñan aer kobatok ippãd ilo iien in. (Sam 34:8) Kumi in em̦m̦aan ro ilo kajjojo eklejia renaaj pepe kõn ewi wãween ad naaj leto letak peba in kũr eo bwe jen maroñ tõpar aolep armej im kũrtok er.

MEN KO JEN KEEMEMEJI

• Ñããt kweilo̦k el̦ap?

• Ñããt jenaaj jino leto letak peba in kũr eo?

• Ñããt eo im jete awa eklejia eo aõ enaaj kweilo̦k in kwal̦o̦k naan?

• Ta mejãnkajjik ko ikõn̦aan tõpari ilo iien eo jej leto letak peba in kũr eo?

• Wõn ro ij bũl̦ããn in kũr er ñan kweilo̦k el̦ap?

TA EO KWÕNAAJ BA?

Ãlikin am̦ yokyokwe armej eo, kwõmaroñ ba:

“Ilo pel̦aakin lal̦ in, kõmij leto letak peba in kũr in im kũr jabdewõt armej ñan juon iien ekanooj aorõk. Raan im awa eo, kab jikin eo me men in enaaj kõm̦m̦an ie epãd ilowaan peba in. Jej m̦õn̦õn̦õ in nãj lo eok ilo iien in.”

TA KO KWÕMAROÑ KÕM̦M̦ANI ÑE ARMEJ RO REJ ITOKLIMO?

Meñe kõttõpar eo ad ej ñan tõpar aolep armej im kũr er ñan kweilo̦k el̦ap eo, eaorõk bwe jen lale wõn ro reitoklimo bwe jen kab bwebwenato jidik ippãer im bar jepl̦aak tokãlik.

Ilo wiikããn, kwõmaroñ lel̦o̦k Naan in Keeañ eo ippãn peba in kũr eo.