Kilen Bwe en Em̦m̦anl̦o̦k Wõt ad Kwal̦o̦k Naan​—Rõjañ Ro Rej Itoklimo bwe Ren Itok ñan Kweilo̦k Ko

UNIN AN AORÕK KÕL IN: Kweilo̦k ko aolep wiik rej letok iien ñan ad “al ñan Jeova” im ‘nõbare.’ (Sam 149:1) Ilo kweilo̦k ko, jej katak ñan kõm̦anm̦an ankilaan Anij. (Sam 143:10, UBS) Ekkã wõt an rũkkatak ro ad im ro rej itoklimo, m̦õkaj aer kõm̦m̦an wõnm̦aanl̦o̦k ãlikin wõt aer itok im kweilo̦k.

KILEN KÕM̦M̦ANE:

• Kũrtok eo eitoklimo ilo iien eo em̦õkajtata. Kwõjjab aikuj kõttar m̦ae iien kwõj jino katak Baibõl̦ ippãn ñan am̦ kũri ñan kweilo̦k.​—Rev 22:17

• Kwal̦o̦k ñane kõn ta ko enaaj loi im ta jenaaj katak kaki ilo kweilo̦k. Men kein renaaj jipañ eok: peba in kũr eo ñan kweilo̦k ko, pija eo etan Ta ko Rej Wal̦o̦k ilo Im̦õn Kweilo̦k ko Ammim?, im katak 5 im 7 ilo bok eo Wõn Ro Rej Kõm̦anm̦an Ankilaan Jeova Rainin?

• Kwal̦o̦k bwe kwõm̦õn̦õn̦õ in jipañe ilo jabdewõt wãween. Eaikuj ke ial̦ ñan kweilo̦k? Eaikuj ke jipañ ñan kããlõt nuknuk rot eo ekkar ñan an kweilo̦k kake? Jijet iturin ilo kweilo̦k, im lel̦o̦k Baibõl̦ im bok ko am̦ bwe komiro en lale ippãn doon. Im kwal̦o̦k kajjeen ñan ro jet