Etke Kwõj Kaorõk Kabuñ eo Erreo?

Pijen eo an Ezekiel kõn Tampel̦ eo ear kõkajoor RiJu ro rejipo̦kwe, kõnke ear lel̦o̦k juon kõjatdikdik ñan er bwe enaaj bar jepl̦aaktok kabuñ eo erreo. Ilo raan kein ãliktata, kabuñ eo erreo ‘ej pãd ioon tol̦ eo eutiejtata,’ im jej pãd ibwiljin armej ro jãn aelõñ ko otemjej me rej ibebtok ñane. (Ais 2:2, UBS) Kwõj ke kõl̦mãnl̦o̦kjen̦ aolep iien kõn jeraam̦m̦an eo am̦ kõn am̦ jel̦ã kõn Jeova im karejar ñane?

JERAAM̦M̦AN KO KÕN KABUÑ EO ERREO:

• Ekanooj in lõñ ekkan ko ilo kõkkar ak katak ko jãn Baibõl̦ me rej letok uwaak ko ñan kajjitõk ko raorõk kõn mour, ekoba naanin kakapilõklõk ko rem̦m̦an ñan ad l̦oori, im juon kõjatdikdik jemaroñ reim̦aanl̦o̦k ñane.​—Ais 48:17, 18; 65:13; Rom 15:4

• Juon doulul in jemjein jemjati ipel̦aakin lal̦ in.​—Sam 133:1; Jon 13:35

• Jeraam̦m̦an eo kõn ad “rijerbal ippãn Anij” ilo jerbal eo ekalañlõñ.​—Jrb 20:35; 1Ko 3:9

• “Aenõm̦m̦an jãn Anij” me ej kõkajoor kõj ilo iien ko reppen.​—Pil 4:6, 7

• Juon bõklõkõt erreo.​—2Ti 1:3, UBS

• Jeran Jeova.​—Sam 25:14, UBS

Ta ko imaroñ kõm̦m̦ani ñan kwal̦o̦k ke ij kaorõk kabuñ eo erreo?