Jesus Ear Kõn̦aan bwe Jen Lo Ad Kakkije

Ãinwõt juon kar rũkaam̦tõ, Jesus ear jel̦ã kilen kõm̦m̦ane juon al̦al̦ in inene me enaaj maroñ jipañ eo ej ineeki men ko reddo kake. Emaroñ kar bõlen ilo an po̦uti lukwõn al̦al̦ eo kõn juon m̦õttan nuknuk ak kilin kau. Ñe jej bõk “ine” ak al̦al̦ in inene eo an Jesus ilo iien eo jej peptaij im erom rũkal̦ooran, jej ineek jerbal im eddo ko rel̦l̦ap. Bõtab elõñ jeraam̦m̦an ko jej loi ilo ad kõm̦m̦ane men in. Tokjãn men in, jej lo ad kakkije im m̦õn̦õn̦õ.