Kõjparok Jãn Aujiid ko ilo Website ko Armej Rej M̦õttãik Doon Ie

ETKE EAORÕK: Kein jerbal ko remaroñ l̦ap aer jipañ kõj ak remaroñ bareinwõt kõjorrããn kõj. Ãindein bareinwõt website ko me armej ro rej m̦õttãik doon im illik pija ie. Jet Kũrjin ro rej kããlõt ñan aer jab kõjerbal wãween kein. Bõtab Kũrjin ro jet rej kõjerbal site kein ñan kõnnaan ippãn baam̦le ko aer im ro m̦õttaer. Tepil̦ eo ekõn̦aan bwe en jab jim̦we ad kõjerbali site kein, kõnke ejel̦ã ke men kein remaroñ ko̦kkure etad im kõtaan eo ad ippãn Jeova. Jekõn̦aan bwe jen ãinwõt Jesus ilo ad kõjerbal naanin kakapilõk ko ilo Baibõl̦ bwe jen lale ta ko rekauwõtata im kõjparok kõj jãni.​—Luk 4:4, 8, 12.

AUJIID KO JEJ AIKUJ KÕJPAROK KÕJ JÃNI:

• Tarjen joñan kõjerbali. El̦aññe etarjen joñan ad kõjerbal website kein, men in enaaj kõm̦m̦an bwe en ejjel̦o̦k ad iien ñan Jeova.

  Naanin kakapilõk ko ilo Baibõl̦: Ep 5:15, 16, UBS; Pil 1:10, UBS

• Lali men ko rejekkar. Ilo an juon lali pija ko rejekkar, jidik kõn jidik emaroñ tõll̦o̦k e ñan an kõn̦aan wõt alwõje pijain keelwaan ko ak mour ettoon. Bareinwõt, ad riiti mel̦el̦e ko jãn rijum̦ae ro ak men ko rej likũti ilo online emaroñ ko̦kkure tõmak eo ad.

  Naanin kakapilõk ko ilo Baibõl̦: Mt 5:28; Pil 4:8, UBS

• Likũt pija ko ak naan ko rejekkar online. Kõnke bũruod ejel̦ã m̦on̦, emaroñ kõm̦akũt juon armej ñan an likũti pija ko ak naan ko rejekkar ilo site kein. Ilo an kõm̦m̦ane men in emaroñ ko̦kkure etan armej ak tõmak eo an ro jet.

  Naanin kakapilõk ko ilo Baibõl̦: Rom 14:13, UBS; Ep 4:29, UBS

KÕJO̦E PIJA EO BE SOCIAL-NETWORK SMART, INNEM ETALE EWI WÃWEEN AD MAROÑ BÕBRAE JÃN AN MEN KEIN WAL̦O̦K: