Ta eo Juon Ej Aikuj Kõm̦m̦ane bwe En Rũkal̦ooran?

9:62, UBS

Bwe en jim̦we l̦ain in ekkat eo, eo ej kapidodo bwidej ejjab aikuj reilikl̦o̦k ak m̦ad. Ejja ãindeinl̦o̦k wõt, juon eo ej Kũrjin ejjab aikuj reilikl̦o̦k ñan mour eo an kar m̦okta.​—Pil 3:13, UBS.

Ñe jej iioon apañ ko, epidodo ad reilikl̦o̦k im l̦õmn̦ak kõn “tõre ko rekar em̦m̦an,” bõlen raan ko m̦okta jãn ad kar del̦o̦ñtok ñan m̦ool eo. Ilo ad ãindein, el̦apl̦o̦k ad l̦õmn̦ak kõn tõre ko ekar em̦m̦an im limo jãn ad keememej apañ ko jaar bar iiooni. Eñin men eo RiIsrael ro rar kõm̦m̦ane ãlikin aer kar diwõjl̦o̦k jãn Ijipt. (Bõn 11:5, 6) El̦aññe jãn kar bar reilikl̦o̦k, men in en kar kõm̦akũti kõj bwe jen kõn̦aan bar ro̦o̦l ñan mour eo ad kar m̦okta. Elukkuun em̦m̦anl̦o̦k bwe jen m̦õn̦õn̦õ kõn men ko ewõr ippãd kiiõ im reim̦aanl̦o̦k wõt ñan jeraam̦m̦an ko jenaaj bũki ñe jenaaj mour ium̦win Aelõñ eo!​—2Ko 4:16-18.