KATAK KO RAORÕK JÃN NAANIN ANIJ | 2 KORINT 11-13
Apañ eo An Paul
Ekkã an Baibõl̦ eo kõjerbale naan in kãlõklõk ilo kõkkar. Emaroñ jitõñl̦o̦k ñan armej ro me rej kõm̦m̦an jorrããn im inepata ak men ko me rej kapañ kõj. (Bõn 33:55, UBS; JK 22:5; Ezk 28:24) Ke Paul ear je kõn apañ eo an ak ‘kãlõklõk eo ilo kanniõkin,’ emaroñ kar jitõñl̦o̦k ñan rijjilõk ro reriab im ro jet me rej ba bwe ejjab lukkuun juon rijjilõk im rej kõnanaik an kõm̦m̦ane jerbal eo an. Ekkar ñan eoon kein itulal̦, ta apañ ko jet remaroñ bar jitõñl̦o̦k ñan “kãlõklõk” eo Paul ear kõnono kake?
Ga 6:11, UBS
Ak kwe, ta apañ eo kwõj iioone?
Ewi wãween am̦ maroñ kwal̦o̦k am̦ atartar ioon Jeova bwe en jipañ eok kijenmej?