Kwõpãd ia ilo ial̦ eo ñan peptaij?
MOURIN KŨRJIN
Kããlõt ñan Karejar ñan Jeova
Ñe kwõj juon Kũrjin jo̦dikdik ak juon rũkkatak Baibõl̦, ewõr ke am̦ mejãnkajjik ñan peptaij? Etke kwõj aikuj kõn̦aan peptaij? Am̦ wũjlepl̦o̦k im peptaij ej kõm̦m̦an bwe en wõr juon am̦ jem̦jerã ejejuwaan ippãn Jeova. (Sam 91:1) Men kein rej bar kõm̦m̦an bwe kwõn maroñ bõk lo̦mo̦o̦r. (1Pi 3:21) Ewi wãween bwe kwõn maroñ bõk buñtõn ne kein?
Kam̦ool ñan kwe make bwe eñin ej m̦ool eo. Ñe ejiktok kajjitõk ko ilo l̦õmn̦ak eo am̦, kwõn kõm̦m̦an etale ko ippam̦ make. (Rom 12:2) Lali ta kwõnãj aikuj kõm̦m̦an oktak ie, im kajjioñ kajejjeti kõn juon bõro me ekõn̦aan kabuñbũruon Jeova. (JK 27:11; Ep 4:23, 24) Jar ñane aolep iien kõn jipañ. Kwõn tõmak im lõke bwe Jeova enaaj kõkajoor im rejetak eok kõn jetõb kwõjarjar eo an me ekanooj kajoor. (1Pi 5:10, 11) Am̦ kate eok elukkuun l̦ap tokjãn. Karejar ñan Jeova ej wãween mour eo em̦m̦antata!—Sam 16:11.
ALWÕJE PIJA EO ETAN THE ROAD TO BAPTISM, INNEM UWAAKI KAJJITÕK KEIN ITULAL̦:
Ta apañ ko me jet rar maroñ anjo̦ ioer bwe ren maroñ peptaij?
Ewi wãween am̦ maroñ kaddek tõmak eo me kwõj aikuji ñan am̦ maroñ ajel̦o̦k mour eo am̦ ñan Jeova?
Ta eo ear kõm̦akũt jet ñan aer bõk buñtõn ne ko me rej aikuji ñan aer maroñ peptaij?
Ta jeraam̦m̦an ko me ro rej kããlõt ñan aer karejar ñan Jeova rej bũki?
Ta mel̦el̦ein wũjlepl̦o̦k im peptaij?