Kammineneik Maroñ eo Am̦ ñan Jel̦ã Oktak eo Ikõtaan Jim̦we im Bõd

Juon ri-iukkure ej aikuj wõnm̦aanl̦o̦k wõt im kammineneik m̦ajel̦ ko an bwe en em̦m̦an wõt an iukkure. Ejja ãindeinl̦o̦k wõt, jej aikuj wõnm̦aanl̦o̦k wõt im kate kõj ñan kammineneik im ñan dãpij wõt maroñ eo ad ñan jel̦ã oktak eo ikõtaan jim̦we im bõd. (Hi 5:14) Meñe jemaroñ kõn̦aan anõke pepe ko an ro jet, ak jej aikuj katak kilen make kõl̦mãnl̦o̦kjen̦ im kõm̦m̦ani pepe ko ad make. Etke? Kõnke kajjojo iaad enaaj uwaak kõn pepe ko an make.​—Rom 14:12.

Jejjab aikuj l̦õmn̦ak bwe jenaaj baj kõm̦m̦ani pepe ko rem̦m̦an kõnke em̦õj ad peptaij ium̦win elõñ iiõ. Bwe jen maroñ kõm̦m̦ani pepe ko remãlõtlõt, jej aikuj lukkuun lõke Jeova, Naan eo an, im doulul eo an.​—Jos 1:7, 8; JK 3:5, 6; Mt 24:45.

ALWÕJE PIJA EO ETAN “MAINTAIN A GOOD CONSCIENCE,” INNEM UWAAKE KAJJITÕK KEIN ITULAL̦:

• 

  Ta pepe eo Emma ear aikuj in kõm̦m̦ane?

• 

  Etke jej aikuj kõjparok ñan jab kwal̦o̦k l̦õmn̦ak ko ad ñe ej itok ñan pepe ko ikijjeen bõklõkõt?

• 

  Ta naanin kakapilõk eo emãlõtlõt ruo ri-pãlele rar kwal̦o̦k ñan Emma?

• 

  Ia eo Emma ear loe mel̦el̦e ko me rar jipañe kõn men eo ear iioone?