KATAK KO RAORÕK JÃN NAANIN ANIJ

‘Bũruõ Enaaj Pãd Ijo Iien Otemjej’

Jeova ear kããlõt tampel̦ eo ñan e make (2Kr 7:11, 12)

Bũruon Jeova enaaj kar pãd ijo aolep iien, im men in ej kaalikkar bwe ej lukkuun itoklimo kõn ta ko rej wal̦o̦k ilo m̦wiin me ej jutak kõn ãt eo etan (2Kr 7:16; w02 11/15 5 pãr. 1)

El̦aññe armej ro renaaj kar bõjrak jãn aer etetal ippãn Jeova kõn “aolepen bũrueer,” enaaj kõtl̦o̦k bwe tampel̦ eo en jorrããn (2Kr 6:14; 7:19-21; it-2 1077-1078)

Pija ko: Wãween kabuñ. 1. Juon jeid im jatid likao ej jar. 2. Juon jeid im jatid kõrã ej uwaak ilo iien kweilo̦k. 3. Ruo rippãlele rej jerbal ippãn doon ilo kwal̦o̦k naan. 4. Juon jeid im jatid em̦m̦aan ej karreo Im̦õn Kweilo̦k eo. 5. Juon jeid im jatid em̦m̦aan ej kõm̦m̦ane iien kabuñ an baam̦le eo ippãn kõrã eo ippãn im ajri ro ruo nejierro. 6. Juon jeid im jatid kõrã ej riiti Baibõl̦ eo an. 7. Juon jeid im jatid kõrã ej likũt jaba eo an ilo bo̦o̦kin jabawõt eo.

Ilo iien eo rar kõjeraam̦m̦ane tampel̦ eo, armej ro remaroñ kar l̦õmn̦ak bwe aolep iien bũrueer ear pãd ilo tampel̦ eo. Ak ekabũrom̦õjm̦õj bwe armej ro rar jidik kõn jidik jakol̦o̦k aer m̦õn̦õn̦õ in kabuñ ñan Jeova.

KAJJITÕK IPPAM̦ MAKE, ‘Ewi wãween aõ kaalikkar bwe bũruõ ej pãd ilo aõ kabuñ?’