KATAK KO RAORÕK JÃN NAANIN ANIJ

“Kom̦win Jab Kapañ Jerbal Eo”

Bũrij eo El̦ap Jeshua (Joshua) im Kabna eo etan Zirubbabel rar tõl jerbalin kalõk tampel̦ eo meñe rar kabõjrake (Ezr 5:1, 2; w22.03 18 pãr. 13)

Ke ri-jum̦ae ro rar kajjitõk kõn wõn eo ear kamãlim jerbal eo, ri-Ju ro rar kwal̦o̦k kakien eo an Sairõs nãn er (Ezr 5:3, 17; w86 2/1 29, bo̦o̦k pãr. 2-3)

Kiiñ eo ekar kaalikkar kakien eo m̦okta im jiroñ ri-jum̦ae ro bwe ren bõjrak jãn aer kapañ jerbal eo (Ezr 6:7, 8; w22.03 15 pãr. 7)

Juon jeid im jatid kõrã ej alwõj JW Broadcasting im pijaikl̦o̦k an Zirubbabel im Bũrij eo El̦ap etan Jeshua tõl ri-Israel ro m̦õttaer ilo aer bar kalõk tampel̦ eo.

ÑAN KÕL̦MÃNL̦O̦KJEN̦: Ewi wãween an bwebwenato in ilo Baibõl̦ maroñ jipañ kõj ñan l̦oori naanin tõl ko me jemaroñ jab lukkuun mel̦el̦e kaki jãn ro me Jeova ear kããlõt er bwe ren tõl kõj?—w22.03 18 pãr. 16.