“Lor Iõ”

¹ Elõñ armij ro rej keolaplap e mour ko air ñan kamõnõnõik ir make, ak ekkã an rein jab mõnõnõ. Ak ijo turãjet, Jesus ear rejañ kin juõn lelok eo ejelok kibbon ie me ej bõktok mõnõnõ eo emol. (Jerb. 20:35) Ear ba: “Jabrewõt eo e kõnan lor Iõ, en mõke karmijete . . . im lor Iõ.” (Mark 8:34) Menin ej kitibuj elaplok jen ad baj karmijeteik kij make jen jet menin kamõnõnõ ko jen ien ñan ien. Ej melelen mour kajjojo ran ñan kamõnõnõik, jab kij make, ak Jehovah.—Rom. 14:8; 15:3.

² Lemnak kin joñok eo an ri jilek Paul. Kin an ‘kanuij emõn an jelã Kraist Jisõs,’ Paul ear bõjrak jen an jibadõk kõtõbar im kõnan ko an make im ilo tiljek kõmat an maroñ ñan kowõnmanlok men ko an Ailiñ eo. (Pil. 3:7, 8) Ear ba, “Im I naj mõnõnõ in dreeplok im niknik” in jerbal ñan ro jet. (2 Kor. 12:15) Kij kajjojo jej aikwij kajitõkin kij make: “Ewi wãwen ij kajerbal ien ko aõ, kajur, maroñ ko aõ, im men ko mweiõ? Ij lemnak wõt ke in kowõnmanlok kõnan ko aõ, ak ij bukõt ke ñan aõ kabuñburuen Jehovah?”

³ Ien ko Rebellok ñan Lelok: Kajjojo yiõ, armij ro an Anij rej jolok elõñlok jen juõn billion awa ko ñan jerbal in lomor eo an Ailiñ eo, jerbal in kwalok nan. Ilo congregation eo, ajiri ro im ritto ro jimor rej kõmman elõñ eddo ko kajjojo me ro jet rej bõk tokjen jeni. Elõñ jerbal ko jet bareinwõt me rej ekkejel ibben kwelok ko relap einwõt assembly im convention ko, bareinwõt jerbal in ekkal im kõkãli moko rej kajerbali ñan kowõnmanlok kabuñ eo emol. Bareinwõt lemnak kin jibañ eo e yokwe an brother ro me rej bõk kunair ilo Hospital Liaison Committees and Patient Visitation Groups eo. Aolep kate kein kin lelok ir make rej einwõt juõn jerammõn ñan jimjãn jimjatin eo an Christian!—Sam. 110:3.

⁴ Ien ko rebellok ñan ad lelok kij make ilo elõñ kajjojo wãwen ko emaroñ walok ilo ien eo ñe juõn jorrãn elap ej walok ak ñe ej walok juõn jorrãn ilo jidimkij. Ak, einwõt ekkã an walok, jemaroñ baj kile bwe juõn ian Ri Christian ro mõttad ej aikwij jibañ ak nan in rejañ im kõketak. (Ken. 17:17) Ñe jej bojak in lelok kij make ñan ad karejar ñan ro jet im kowõnmanlok men ko an Ailiñ eo, jej lor joñok eo an Jesus. (Pil. 2:5-8) Jen kate kij ñan ad wõnmanlok wõt im kõmmane menin.