Komin Kalek Don
1 Ri jilek Paul ear kõmman joñan wõt an kar maroñ ñan kakajur ri tõmak ro mõttan. (Jerbal 14:19-22) Eindein, kij bareinwõt jej itoklimo ñe ro jeid im jatid rej jelmaik wãwen ko rebin, im jekõnan jibañ ir. Bible eo ej kwalok bwe aolep, jab elder ro wõt, rej aikwij kwalok air itoklimo kin ro jet. (Rom 15:1, 2) Lemnak kin ruo wãwen ko jemaroñ eoroñ nan in kakabilek in ej yokwe: “Komin kainemõne dron, im kalek dron.”—1 Tess. 5:11.
2 Kile Aikwij ko an Ro Jet: Nan in Anij ej kwalok bwe Dorcas ear “obrõk kin jerbal ko remõn im mweien tiriamo ko ej kõmõni.” (Jerbal 9:36, 39) Ear lale wõn ro rar bed ilo aikwij im ear kõmman joñan wõt an maroñ ñan jibañ ir. Emol ear likit juõn wanjoñok emõn ñan kij! Kwomaroñ roñ bwe juõn eo eritto ej aikwiji ial ñan an etal ñan kwelok eo. Ak emaroñ wõr juõn pioneer me ejelok mõttan ñan an jerbal ibben ilo jerbal in kwalok nan ilo elikin raelep in juõn ran ilo week eo. Elañe kwoj kile juõn aikwij rot in im lelok jibañ ekeie, lemnak kin ewi joñan men in enaj kõketak armij eo!
3 Bwebwenato ko kin Men ko Lor Jitõb: Jemaroñ bareinwõt kalek ro jet ikijen nan ko ad. (Ep. 4:29) Juõn elder eo ewõr an iminene ear kile: “Elañe kwokõnan kõketak ro jet, bwebwenato kin men ko lor jitõb. Ñan jino juõn bwebwenato ekõketak, kwomaroñ kajerbal juõn kajitõk elamwan, einwõt, ‘Ewi wãwen am kar katak kin mol eo?’ ” Kwalok juõn itoklimo emol kin jodikdik ro ilo congregation eo. Kwalok am itoklimo kin ro rej buromõj im ro rejookok. (Ken. 12:25) Kwon jab kõtlok bwe en lap am bwebwenato kin men in kamõnõnõ ko an lal in im ejelok ien ñan am bwebwenato kin men ko lor jitõb ibben ri tõmak ro mõttam.—Rom 1:11, 12.
4 Ak, ta eo kwomaroñ ba ñan kalek ro jet? Ke kwar read Bible ak katak ibbam make, kwar lo ke juõn nan in kaiñi me ear kamũlallok kamolol eo am ñan Jehovah? Ear wõr ke juõn men kwar roñ ilo public talk eo ak ilo Katak in Imõniaroñroñ me ear kõketak yuk? Ak juõn experience ej kakajur tõmak ear jelet buruõm? Elañe kwoj kaorõk dekã kein raorõk ilo jitõb, ien otemjej enaj wõr men ko rekõketak kwomaroñ kamao kake ibben ro jet.—Ken. 2:1; Luk 6:45.
5 Ilo ad lelok jibañ ko rekeie im kajerbal loõd ilo meletlet, jenaj maroñ kalek wõt don.—Ken. 12:18.