Katak 1
Wãwen Eo Kwomaroñ Jela kin Ta Eo Anij Ekõnan bwe Kwon Kõmmõne
Ta ennan eo aorõk ej bed ilo Bible eo? (1)
An wõn Bible eo? (2)
Etke kwoj aikwij katak Bible? (3)
1. Bible eo ej juõn men in letok eo eaorõk jen Anij. Ej einwõt juõn letter jen juõn jemen eyokwe ñõn ajiri ro nejin. Ej jiroñ kij mol eo kin Anij—wõn e im ta kien ko an. Ej kamelele kin wãwen eo jemaroñ kijenmij iumin abañ ko im ewi wãwen jemaroñ lo mõnõnõ eo emol. Bible eo make ej jiroñ kij kin ta eo jej aikwij kõmmõne ñõn kabuñburuen Anij.—Psalm 1:1-3; Isaiah 48:17, 18.
2. Elõñlok jen 40 armij ro rar jeje Bible eo iumin 1,600 yiõ ko, jen yiõ eo 1513 B.C.E. Ewor 66 book ko redik kobbair. Anij ear kakõrmoli ri jeje Bible ro. Rar jei lemnak ko an, jab lemnak ko air make. Inem Anij ilõñ, jaab jabdewõt armij ion lõl, ej Ri Kõmmõn Bible eo.—2 Timothy 3:16, 17; 2 Peter 1:20, 21.
3. Anij ear kõmmõn bwe armij ro ren jei Bible eo ilo wãwen eo ejejjet im kejbarok e. Rar kõmmõn elõñlok Bible ko jen jabdewõt book. Jab aolep armij renaj mõnõnõ ñe rej lo am katak kin Bible eo, ak jab kõtlok bwe ren kabõjrak yuk. Ilju eo am indrio ej wawa ion am jela kajjen Anij im meñe kwoj wonmae jumae.—Matthew 5:10-12; John 17:3.