Katak 2

Wõn Anij?

Wõn Anij eo emol, im ta ãt eo etan? (1, 2)

Kain enbwin rot eo enbwinen? (3)

Ta kadkad ko relaptata kadkadin? (4)

Jej aikwij ke kajerbal ekjap im men in e ko ñõn kabuñ ñõn e? (5)

Ta wãwen ko ruo jemaroñ katak kin Anij? (6)

1. Armij ro rej kabuñ ñõn elõñ men ko. Ak Bible eo ej jiroñ kij bwe ewor juõn wõt Anij eo EMOL. Ear kõmõnmõn men otemjej ilõñ im ion lõl. Kin an kar letok mour ñõn kij, jej aikwij kabuñ ñõn E wõt.​—1 Korint 8:5, 6; Revelation 4:11.

2. Elõñ title ko ibben Anij ak ewor juõn wõt etan. Ãt eo etan ej JEHOVAH. Ilo enañin aolep ukok in Bible ko, rar jolok etan Anij im likit title kein IROIJ ak ANIJ. Ak ke rar jeje Bible eo, etan Jehovah ear walok iloan enañin 7,000 alen!​—Exodus 3:15; Psalm 83:18.

3. Ewor enbwinen Jehovah, ak ejjab einwõt enbwiner. “Anij ej Jitõb,” Bible eo ej ba. (John 4:24) Juõn jitõb ej bõk juõn mour eutiej jen mour eo ad. Ejelok jabdewõt armij ear lo Anij. Jehovah ej jokwe ilõñ, ak emaroñ lo men otemjej. (Psalm 11:4, 5; John 1:18) Bõtab, ta in jitõb kwojarjar? Ejjab juõn jitõb emour im jenolok jen Anij. Jen men in, ej kajur eo ej jerbal an Anij.​—Psalm 104:30.

4. Bible eo ej kalikar kadkadin an Jehovah ñõn kij. Ej kwalok bwe kadkad ko relap kadkadin rej yokwe, ekajet jimwe, meletlet, im kajur. (Deuteronomy 32:4; Job 12:13; Isaiah 40:26; 1 John 4:8) Bible eo ej jiroñ kij bareinwõt bwe ej tiriamokake, jeorlok bwid, joij, im meãnwõr. Kij, einwõt ajiri ro rekiblie, jej aikwij kate wõt im kajeoñwe e.​—Epesõs 5:1, 2.

5. Emõn ke badikdik iman ak jar ñõn ekjap ko, picture in kabuñ ko, ak men in e ko? Jaab! (Exodus 20:4, 5) Jehovah ej ba bwe jen kabuñ ñõn e wõt. Ejamin lelok aibujuij eo an ñõn jabdewõt armij ak men. Ejelok kajur ibben ekjap ko ñõn jibañ kij.​—Psalm 115:4-8; Isaiah 42:8.

6. Ewi wãwen jemaroñ kalaplok ad jelã kin Anij? Juõn wãwen ej ñõn etale men ko otemjej ear kõmõnmõni im kalmenlokjen kin ta eo rej jiroñ kij kaki. Men in kõmõnmõn ko an Anij rej kwalok bwe ewor kajur im meletlet eo elap ibben. Jej lo yokwe eo an ilo men in kõmõnmõn ko an otemjej. (Psalm 19:1-6; Rome 1:20) Bar juõn wãwen jemaroñ katak kin Anij ej ilo ad katak kin Bible eo. Iloan ej jiroñ kij kin elõñ men ko jet kin kain Anij rot e. Bareinwõt ej jiroñ kij kin karõk eo an im ta eo ekõnan bwe jen kõmmõne.​—Amos 3:7; 2 Timothy 3:16, 17.

[Pija ko ilo peij 5]

Jej katak kin Anij jen men in kõmõnmõn im jen Bible eo