KATAK 1

Naanin Ijjino ko Rejejjet

Jerbal 17:22

ILO TUKADU: Naanin ijjino ko am̦ ren kãitoktoklimo, im ren kaalikkar men eo kwõj itõn kõnono kake im unin an aorõk ñan ro kwõj kõnnaan ñan er.

Kãitoklimoik er. Kwõmaroñ kããlõt juon kajjitõk, juon mel̦el̦e, juon bwebwenato, ak juon nuuj me enaaj kõm̦m̦an an armej ro itoklimo in roñjake.

Lukkuun l̦õmn̦akl̦o̦k im̦aan kõn ta ko rej kãitoklimoik armej ro im ta ko el̦ap aer l̦õmn̦ak kaki, im kõm̦m̦an bwe naanin ijjino ko am̦ ren jejjet ñan men kein rej l̦õmn̦aki im itoklimo kaki.
Kaalikkar men eo kwõj itõn kõnono kake. Kõm̦m̦an bwe naanin ijjino ko am̦ ren jipañ armej ro ñan kile men eo kwõj itõn kõnono kake im unin am̦ naaj kõnono kake ippãer.
Kaalikkar unin an aorõk men eo kwõj itõn kõnono kake. Naanin ijjino ko am̦ ren jejjet ekkar ñan aikuj ko an armej ro. Rej aikuj lukkuun mel̦el̦e ewi wãween an men eo kwõj itõn kõnono kake maroñ jipañ er.

El̦aññe kwõj kõpooje juon am̦ katak, kwõn kajitũkin eok make, ‘Ta ko ro jeiũ im jatũ ilo eklejia eo rej iiooni?’ Ãlikin, kwõmaroñ jino lale ta naanin ijjino ko kwõmaroñ kõjerbali im rejejjet ekkar ñan aikuj ko aer.