Wãween am̦ maroñ kõjerbale bok in im lukkuun bõk tokjãn jãn am̦ katak Baibõl̦
Katak ippãn juon iaan Ri-Kõnnaan ro an Jeova: Kajjitõk ippãn armej eo ear lewaj bok in bwe en katak Baibõl̦ ippam̦, ak kwõmaroñ kanne form eo ilo weepjait eo ammim, jw.org/mh.
M̦ÕTTAN EO JINOINTATA
Riiti kajjojo pãrokõrããp, ekoba kajjitõk ko remeej (A) im eoon ko (B) me rej kaalikkar boin ko rel̦l̦ap. Kwõnaaj lo bwe ewõr eoon ko me em̦õj kõkal̦l̦eiki ñan am̦ “riit.”
M̦ÕTTAN EO IOL̦AP
Ilo naanin kõpel̦l̦o̦k ko ilo m̦õttan in (C) ium̦win ijo ej ba Kam̦wilal̦l̦o̦k Am̦ Mel̦el̦e, ej kõmel̦el̦eik men ko kwõnaaj katak kaki: Unin tõl ko reddik (D) rej kwal̦o̦k men ko kom̦ naaj kõnono kaki im etali. Innem kwõnaaj riiti eoon ko, uwaaki kajjitõk ko, im alwõje pija ko (E).
Etale pija ko im kõmel̦el̦e ko rej ekkejell̦o̦k ippãer (F), im l̦õmn̦ak kõn wãween am̦ maroñ uwaaki men ko Jet Armej Rej Ba (G).
M̦ÕTTAN EO ÃLIKTATA
Ñan kõjem̦l̦o̦k katak eo, naaj etale m̦õttan eo ej ba Tarlep in Katak eo ilo Tukadu im Ãlij (H). Innem je raan eo kwaar kadedel̦o̦k katak eo. Ijo me ej ba Mejãnkajjik (I) ej kwal̦o̦k jet men ko kwõmaroñ jerbali. Ilo m̦õttan eo ej ba Kal̦apl̦o̦k Am̦ Mel̦el̦e (J) ej kwal̦o̦k kõmel̦el̦e ko jet kwõmaroñ riiti ak alwõji ñe kokõn̦aan.
Wãween ñan pukot eoon ko ilo Baibõl̦
Ñe ej jitõñl̦o̦k ñan eoon ko ilo Baibõl̦ enaaj m̦okta kwal̦o̦k bok eo ilo Baibõl̦ (A), jebta eo (B), innem eoon eo ak eoon ko (C). Ñan waanjoñak, Jon 17:3 ej jitõñl̦o̦k ñan bokin Jon, jebta 17, eoon 3.