BAR JEPL̦AAK
KATAK 9
Tũriam̦o
Naanin Kakapilõk: “Kom̦win lañlõñ ippãn ro rej lañlõñ im jañ ippãn ro rej jañ.”—Rom 12:15.
Men eo Jesus Ear Kõm̦m̦ane
1. Alwõje PIJAIN ALWÕJ EO, ak riiti Mark 6:30-34. Innem etale kajjitõk kein:
Etke Jesus im rijjilõk ro an rar kõn̦aan “makel̦o̦k iaaer”?
Ta eo ear kõm̦akũt Jesus ñan katakin jarlepju eo?
Ta eo Jej Katak jãn Jesus?
2. Tũriam̦o ej kõm̦akũt kõj ñan kea kõn armej ro im bwe jen jab l̦õmn̦ak wõt kõn ennaan eo ad.
Anõke Jesus
3. Lukkuun roñjake. Kõtl̦o̦k bwe armej eo en kwal̦o̦k l̦õmn̦ak im eñjake ko an. Jab kabõjrake ñe ej kõnono im jab m̦õkaj im kõjekdo̦o̦ne l̦õmn̦ak ko an, men ko ej inepata kaki, ak men ko ejjab errã kaki. Ilo am̦ lukkuun roñjake, kwõj kwal̦o̦k ñan e bwe kwõj kea kõn l̦õmn̦ak ko an.
4. L̦õmn̦ak kõn armej eo ej kwal̦o̦k an itoklimo. Etale men ko komiro kar bwebwenato kaki, innem kajjitõk ippam̦ make:
‘Etke ej aikuj jel̦ã kõn m̦ool eo?’
‘Ñe enaaj katak Baibõl̦, ewi wãween an men in naaj kakõm̦anm̦anl̦o̦k mour eo an kajjojo raan ekoba ilju im jekl̦aj eo an?’
5. Kwal̦o̦k mel̦el̦e ko me rejejjet ñan aikuj ko an. Ilo iien eo em̦õkajtata, kwal̦o̦k ñane wãween an naaj katak Baibõl̦ maroñ uwaaki kajjitõk ko an im jipañe ilo mour eo an.