Wãween Ainikiõm̦

Jerbal 16:28

ILO TUKADU: Kwal̦o̦k boin ko im kãitoklimoik armej ro ikijjeen joñan ainikiõm̦, ton̦ in ainikiõm̦, im ilo am̦ kam̦õkaj ak karum̦wij am̦ kõnono.

KILEN AM̦ KÕM̦M̦ANE:

• En jejjet joñan ainikiõm̦. Kal̦apl̦o̦k ainikiõm̦ ñan kaalikkar boin ko raorõk im ñan lujur armej ro. Kwõmaroñ kõm̦m̦ane ejja men in wõt ñe kwõj riiti eoon ko me rej kwal̦o̦k kõn naanin ekajet ko. Ijoke kwõmaroñ kadikl̦o̦k ainikiõm̦ ñe kwõj kajjioñ kãitoklimoikl̦o̦k armej ro bwe ren kõn̦aan jel̦ã kõn juon mel̦el̦e, ak ñe eñjake eo kwõj kajjioñ kwal̦o̦ke ej eñjake in mijak ak inepata.

• En jejjet ton̦ in ainikiõm̦. El̦aññe ekkar ñan am̦ kõm̦m̦ane ilo kajin eo am̦, kwõmaroñ kautiejl̦o̦k ton̦ in ainikiõm̦ ñan kwal̦o̦k am̦ itoklimo ak ñan kaalikkar joñan dikin ak kilepin juon men ak joñan ettol̦o̦kin juon jikin. Bareinwõt, kwõmaroñ kõttãikl̦o̦k ton̦ in ainikiõm̦ ñan kwal̦o̦k eñjake in bũrom̦õj ak inepata.

• En jejjet am̦ kam̦õkajl̦o̦k ak karum̦wijl̦o̦k am̦ kõnnaan. Kwõmaroñ kam̦õkajl̦o̦k am̦ kõnnaan ñe kokõn̦aan kõm̦m̦an bwe en kãitoktoklimo. Ijoke, kwõmaroñ karum̦wijl̦o̦k am̦ kõnnaan ñe kwõj kwal̦o̦k boin ko raorõk.