AL 2
Etam̦ in Jeova
(Sam 83:18)
1. Kwõj Anij eo em̦ool
Kwaar kõm̦m̦an men otemjej,
Ekoba aolep armej—
Etam̦ in Jeova.
El̦ap am jeraam̦m̦an
Bwe ainwõt armej ro am̦,
Kõmij kwal̦o̦k kõn etam̦
Ilo aolep aelõñ.
(KO̦RÕJ)
Jeova, Jeova,
Ejjel̦o̦k ãinwõt kwe.
Ejjel̦o̦k bar juon ilo
Lañ im iioon lal̦ in.
Kwõj Anij Kajoor Bõtata,
Aolep raikuj jel̦ã.
Jeova, Jeova,
Kwe wõt kwõj Anij eo em̦ool.
2. Kwõj kõjerbale kõm
Ekkar ñan kõn̦aan eo am̦,
Ñan kõm̦anm̦an ankilaam̦—
Etam̦ in Jeova.
El̦ap am jeraam̦m̦an
Bwe kõm Ri Kõnnaan ro am̦,
Eñin ãt eo kwaar n̦aetam.
Kõmij armej ro doom̦.
(KO̦RÕJ)
Jeova, Jeova,
Ejjel̦o̦k ãinwõt kwe.
Ejjel̦o̦k bar juon ilo
Lañ im iioon lal̦ in.
Kwõj Anij Kajoor Bõtata,
Aolep raikuj jel̦ã.
Jeova, Jeova,
Kwe wõt kwõj Anij eo em̦ool.
(Bar lale 2 Kr. 6:14; Sam 72:19; Ais. 42:8.)