Ewi Wãween an Kũrjin ro Aikuj Watõk Arkool̦?

Eoktak l̦õmn̦ak ko an armej ro ipel̦aakin lal̦ in kõn arkool̦. Jet rej idaak jidik arkool̦ jet iien ippãn ro m̦õttaer. Ak ro jet rej kããlõt ñan jab idaak ñan jidik. Im ewõr jet me rej idaak ñan ñe rekadek. Innem, ta eo Baibõl̦ ej ba kõn arkool̦?

1. Enana ke ñan idaak arkool̦?

Baibõl̦ eo ejjab ba bwe enana ñan idaak arkool̦. Ilo m̦ool, ñe Baibõl̦ ej kõnono kõn elõñ iaan menin letok ko Anij ear litok ñan kõj, ej kitibuj “wain eo ej kam̦õn̦õn̦õ bũruon armej.” (Sam 104:14, 15) Jet em̦m̦aan im kõrã ro retiljek ilo Baibõl̦ rar idaak wain ak arkool̦ ko jet.​—1 Timote 5:23.

2. Ta naanin kakapilõklõk ko Baibõl̦ ej litok ñan ro rej kããlõt ñan idaak arkool̦?

Jeova ej kõmo̦ ñe etarjen joñan ad idaak im ñe jej kadek. (Galetia 5:21) Naan eo An ej ba: “Kwõn jab kobal̦o̦k ippãn armej ro el̦ap aer idaak wain.” (Jabõn Kõnnaan 23:20) Innem el̦aññe jej kããlõt ñan idaak​—meñe jej make iaad ak ippãn ro jet, ak en jab tarjen joñan ad idaak ñan joñan eo ekõm̦m̦an bwe en jab em̦m̦an ad kõl̦mãnl̦o̦kjen̦, jejjab maroñ kwal̦o̦k lol̦o̦kjen̦ ilo wãween ad kõnnaan im kõm̦m̦an, ak ñan joñan eo jej ko̦kkure ãjmour eo ad. Ñe jeñak kõm̦m̦an joñan ad idaak, em̦m̦an ñe jen kããlõt ñan jab idaak ñan jidik.

3. Ewi wãween jemaroñ kautiej pepe ko an ro jet ikijjeen arkool̦?

Kajjojo armej rej aikuj make pepe el̦aññe renaaj idaak arkool̦ ak jaab. Jejjab aikuj ekajete juon armej me ej pepe ñan kõm̦m̦an joñan an idaak arkool̦, im jejjab aikuj iuuni juon armej ñan idaak el̦aññe ejjab kõn̦aan. (Rom 14:10) Jej kããlõt ñan jab idaak arkool̦ el̦aññe jejel̦ã bwe men in emaroñ kal̦õkatip ak kainepataik ro jet. (Riit Rom 14:21.) Jej kate kõj ñan kõm̦m̦ani “men ko renaaj bõktok tokjãn ko ñan ro jet, im jab ñan kõj make.”​—Riit 1 Korint 10:23, 24.

KAM̦WILAL̦L̦O̦K AM̦ MEL̦EL̦E

4. Pepe el̦aññe kwõnaaj idaak

Ewi wãween an kar Jesus watõk arkool̦? Ñan jel̦ã uwaak eo, l̦õmn̦ak m̦õk kõn menin kabwilõñlõñ eo jinointata ear kõm̦m̦ane. Riit Jon 2:1-11, innem bwebwenato kake kajjitõk kein:

• Ikijjeen menin kabwilõñlõñ in, ta ko jemaroñ katak kõn wãween an Jesus watõk arkool̦ im ro rej idaak?

• Kõnke Jesus ear jab kõmo̦ idaak arkool̦, en kar ewi wãween an juon Kũrjin watõke juon eo ej kããlõt ñan idaak?

Meñe juon Kũrjin emaroñ make kããlõt ñan idaak, ak ejjab mel̦el̦ein bwe aolep iien ej juon menin mãlõtlõt ñan an kõm̦m̦ane men in. Riit Jabõn Kõnnaan 22:3, innem bwebwenato kake wãween kein me remaroñ jipañ eok ñan lale el̦aññe kwõnaaj idaak ak jaab:

• Kwõnaaj kattõr ak kõjerbale juon kein jerbal.

• Kwõbõro̦ro.

• Juon taktõ ej rõjañ eok ñan jab idaak.

• Epen am̦ kõm̦m̦an joñan am̦ idaak.

• Kien eo ejjab kõtl̦o̦k am̦ idaak arkool̦.

• Kwõj pãd ippãn juon eo ej kããlõt ñan jab idaak kõnke ear juon eo ear jaje kõm̦m̦an joñan an idaak m̦okta.

Em̦m̦an ke bwe en wõr dãnnin arkool̦ ilo iien kõm̦are ko ak iien iiãio ko jet? Ñan lale ta eo emaroñ jipañ eok ilo am̦ kõm̦m̦an pepe, kõjo̦e PIJAIN ALWÕJ eo.

PIJAIN ALWÕJ: Should I Serve Alcohol? (2:41)

Riit Rom 13:13 im 1 Korint 10:31, 32. Ãlikin am̦ riit kajjojo iaan eoon kein, bwebwenato kake kajjitõk in:

• Ilo am̦ jerbale naanin kakapilõklõk in, ewi wãween an men in maroñ jipañ eok kõm̦m̦ane juon pepe me enaaj kabuñbũruon Jeova?

5. Pepe kõn ewi joñan am̦ naaj idaak

El̦aññe kwõj pepe in idaak dãnnin arkool̦, keememej men in: Meñe ejjab nana ippãn Jeova ñe jej idaak arkool̦, ak edike ñe el̦e jãn joñan ad idaak. Etke? Riit Hoseia 4:11, 18, innem bwebwenato kake kajjitõk in:

• Ta eo emaroñ wal̦o̦k ñe el̦e jãn joñan an juon idaak?

Ewi wãween jemaroñ kõjparok bwe en jab l̦e jãn joñan ad idaak? Jej aikuj jel̦ã kõmmaanwa, ak jel̦ã joñan maroñ ko ippãd. Riit Jabõn Kõnnaan 11:2, UBS, innem bwebwenato kake kajjitõk in:

• Etke em̦m̦an ñan kõm̦m̦an joñan am̦ naaj idaak arkool̦?

6. Anjo̦ ioon apañ eo ñe ej l̦e jãn joñan an juon idaak

PIJAIN ALWÕJ: ‘I Got Fed Up With My Lifestyle’ (6:32)

• Ilo pijain alwõj eo, ewi wãween an dãnnin arkool̦ jelõte kõm̦m̦an ko an Dmitry?

• Ear ke maroñ kajju bõjrak jãn an idaak?

• Ewi wãween an kar maroñ jol̦o̦k an l̦e jãn joñan an idaak?

Riit 1 Korint 6:10, 11, innem bwebwenato kake kajjitõk kein:

• Ewi joñan an nana kadek?

• Ta eo ej kwal̦o̦k bwe juon eo el̦e jãn joñan an kar idaak dãnnin arkool̦ emaroñ kõm̦m̦an oktak?

Riit Matu 5:30, innem bwebwenato kake kajjitõk in:

• Ke Jesus ear kõjerbale waanjoñak eo kõn m̦wijiti peid im jol̦o̦ke, men in ej mel̦el̦ein bwe ewõr men ko jemaroñ aikuj kaarmejjeteiki bwe jen maroñ kabuñbũruon Jeova. Ta eo kwõmaroñ kõm̦m̦ane el̦aññe epen ñan am̦ bõjrak jãn am̦ idaak arkool̦ el̦e jãn joñan?a

Riit 1 Korint 15:33, innem bwebwenato kake kajjitõk in:

• Ewi wãween an ro m̦õttam̦ maroñ jelõt joñan am̦ idaak?

TARLEP IN KATAK EO ILO TUKADU

Jeova ear letok dãnnin arkool̦ bwe jen m̦õn̦õn̦õ kake, bõtab ej kõmo̦ ad idaak el̦e jãn joñan im kadek.

Ãlij

• Ta l̦õmn̦ak eo an Baibõl̦ kõn dãnnin arkool̦?

• Ta menin kauwõtata ko rej wal̦o̦k ñe etarjen joñan an juon idaak arkool̦?

• Ewi wãween jemaroñ kautiej pepe ko an ro jet ikijjeen idaak arkool̦?

KAL̦APL̦O̦K AM̦ MEL̦EL̦E

Ewi wãween an jo̦dikdik ro maroñ kõm̦m̦an pepe ko rem̦m̦an kõn arkool̦?

Think Past the Drink (2:31)

Lale ta buñtõn ne ko kwõmaroñ kõm̦m̦ani ñan anjo̦ ioon apañ eo kõn idaak arkool̦ tarjen joñan.

“Wãwen eo ñõn Drebij Lemnok eo Ejime kin Arkool” (Imõniaroñroñ, Jul̦ae 2010)

Kũrjin ro rej aikuj ke bõk kun̦aaer im toast?

“Questions From Readers” (The Watchtower, February 15, 2007)

Ilo bwebwenato eo etan “I Was a Bottomless Barrel,” lale ewi wãween an juon em̦m̦aan kar bõjrak jãn an idaak tarjen joñan.

“The Bible Changes Lives” (The Watchtower, May 1, 2012)