KATAK 53
Kããlõt Menin Kam̦õn̦õn̦õ ko Rej Kabuñbũruon Jeova
Jeova ej juon “Anij in m̦õn̦õn̦õ.” (1 Timote 1:11) Ekõn̦aan bwe jen m̦õn̦õn̦õ im lo lañlõñ ilo mour ko ad. Ej m̦õn̦õn̦õ ñe jej kõm̦m̦an iien ad kakkije jãn jerbal. Ilo katak in, jenaaj lale ewi wãween jemaroñ kõjerbal iien kakkije ko ad ilo wãween ko rekam̦õn̦õn̦õ im rej bareinwõt kabuñbũruon Jeova.
1. Ta eo jej aikuj keememeje ñe jej kããlõt menin kam̦õn̦õn̦õ ko?
Ta eo kokõn̦aan kõm̦m̦ane ñe kwõj kakkije? Jet armej rekõn̦aan kõjerbal iien kakkije ko aer ilo m̦õko m̦weer—rej riit bok, roñjake al in kõjañjañ ko, alwõj pija ko, ak kõjerbal Internet. Armej ro jet rekõn̦aan iukkure im jol̦o̦k iien ippãn ro m̦õttaer—rej etal im hike, tutu ilo̦jet, eo̦ñõd, ak iukkure kõn juon game. Jekdo̦o̦n ta menin kam̦õn̦õn̦õ eo jekõn̦aan kõm̦m̦ane, ak jej aikuj lukkuun lale bwe jokãlõt ko ad kõn menin kam̦õn̦õn̦õ ko ren “kabuñbũruon Irooj.” (Epesõs 5:10) Elukkuun aorõk bwe jen mel̦el̦e kõn men in kõnke enañin aolep menin kam̦õn̦õn̦õ ko me rebuñbuñ ilo lal̦ in rej kwal̦o̦k kõn men ko Jeova ej diki, ãinwõt lãj, mourin l̦õñ, ak kajjetõbtõb. (Riit Sam 11:5.) Ta eo enaaj jipañ kõj ñan kõm̦m̦ani jokãlõt ko rem̦m̦an kõn menin kam̦õn̦õn̦õ ko?
El̦aññe jej kããlõt ro m̦õttad me rej yokwe Jeova, men in emaroñ jelõt kõj ilo juon wãween em̦m̦an im enaaj bar jelõt kõj ñan kõm̦m̦ani jokãlõt ko rem̦m̦an kõn menin kam̦õn̦õn̦õ ko. Ãinwõt ad kar katak kake ilo katak eo l̦o̦k, eo ej ‘etetal ippãn ro ri-mãlõtlõt, enaaj mãlõtlõt.’ Ak ijo turãjet, el̦aññe el̦ap ad kõm̦m̦ao im aetõl armej ro me rejjab yokwe kien ko an Anij, innem jenaaj “jorrããn kake.”—Jabõn Kõnnaan 13:20.
2. Etke eaorõk bwe jen jel̦ã kõm̦m̦an joñan ad jol̦o̦k iien ilo menin kam̦õn̦õn̦õ ko?
Meñe menin kam̦õn̦õn̦õ eo jej kããlõte ej juon men em̦m̦an im ekkar, ak jej aikuj kõjparok bwe en jab l̦e jãn joñan ad jol̦o̦k iien ilo men in. El̦aññe el̦ap ad jol̦o̦k iien ilo menin kam̦õn̦õn̦õ ko, emaroñ jabwe iien ñan ad kõm̦m̦ani men ko raorõkl̦o̦k. Baibõl̦ eo ej rõjañ kõj bwe jen “kõjerbal iien ko [ad] ilo mãlõtlõt.”—Riit Epesõs 5:15, 16.
KAM̦WILAL̦L̦O̦K AM̦ MEL̦EL̦E
Katak kilen am̦ kõm̦m̦ani pepe ko rem̦m̦an kõn menin kam̦õn̦õn̦õ ko.
3. Kõjparok jãn menin kam̦õn̦õn̦õ ko rejekkar im renana
Etke jej aikuj lukkuun lale im kõjparok ñe jej kããlõt menin kam̦õn̦õn̦õ ko? Kõjo̦e PIJAIN ALWÕJ eo, innem bwebwenato kake kajjitõk kein:
Ewi wãween an iukkure in etto ko ilo aelõñin Rom (gladiatorial games) ãinl̦o̦kwõt jet iaan menin kam̦õn̦õn̦õ ko ilo raan kein?
Ilo pijain alwõj eo, ta eo Danny ear katak kõn menin kam̦õn̦õn̦õ ko?
Riit Rom 12:9, innem bwebwenato kake kajjitõk in:
Ewi wãween an eoon in aikuj jelõt jokãlõt ko am̦ kõn menin kam̦õn̦õn̦õ ko?
Ta jet iaan men ko Jeova ej diki? Riit Jabõn Kõnnaan 6:16, 17, UBS im Galetia 5:19-21. Ãlikin am̦ riiti kajjojo iaan eoon kein, bwebwenato kake kajjitõk in:
Ewi iaan men ko rej wal̦o̦k ilo eoon kein ekkã aer wal̦o̦k ilo menin kam̦õn̦õn̦õ ko rainin?
Wãween am̦ maroñ kããlõt menin kam̦õn̦õn̦õ ko ilo mãlõtlõt
Kajjitõk ippam̦ make:
Ta? Ej ke kitibuj jabdewõt men Jeova ej diki?
Ñããt? Ej ke bõk iien ko aõ jãn aõ kõm̦m̦ani men ko raorõkl̦o̦k?
Wõn? Ej ke kõm̦m̦an bwe en ikkutkut aõ jol̦o̦k iien ippãn armej ro me rejjab yokwe Jeova?
Em̦m̦anl̦o̦k ñe jej kattol̦o̦k kõj jãn men ko rekauwõtata joñan wõt ad maroñ. Eñin unin jej aikuj kattol̦o̦k kõj jãn jabdewõt kain menin kam̦õn̦õn̦õ ko me jemaroñ l̦õmn̦ak bwe rejjab em̦m̦an ñan kõj
4. Kõjerbal iien ko am̦ ilo mãlõtlõt
Kõjo̦e PIJAIN ALWÕJ eo, innem bwebwenato kake kajjitõk kein:
Meñe ear jab nana men eo juon jeid im jatid likao ear alwõje, ak ta apañ eo ear iioone im ewi wãween an kar men in jelõt mour eo an?
Riit Pilippai 1:10, innem bwebwenato kake kajjitõk in:
Ewi wãween an eoon in maroñ jipañ kõj ñan kõm̦m̦ani pepe kõn joñan iien ko jej julo̦ki ilo menin kam̦õn̦õn̦õ ko?
5. Kããlõt menin kam̦õn̦õn̦õ ko rem̦m̦an
Meñe ewõr jet menin kam̦õn̦õn̦õ ko me rejjab kabuñbũruon Jeova, ak elõñ menin kam̦õn̦õn̦õ ko jet me rem̦m̦an im rekam̦õn̦õn̦õ. Riit Ekklisiastis 8:15, UBS im Pilippai 4:8, innem bwebwenato kake kajjitõk in:
Kain menin kam̦õn̦õn̦õ rot ko rem̦m̦an im rekkar me rem̦m̦an ippam̦?
Kwõmaroñ m̦õn̦õn̦õ kõn menin kam̦õn̦õn̦õ ko me rem̦m̦an im rekkar
JET ARMEJ REJ BA: “Ejjel̦o̦k jorrããn ilo menin kam̦õn̦õn̦õ ko me rej kwal̦o̦k kõn lãj, mour ettoon, ak kajjetõbtõb, men eo wõt ñe ijjab kõm̦m̦ani men kein.”
Ta eo kwõnaaj kar ba?
TARLEP IN KATAK EO ILO TUKADU
Jeova ekõn̦aan bwe jen kããlõt im m̦õn̦õn̦õ kõn menin kam̦õn̦õn̦õ ko rem̦m̦an im rekkar.
Ãlij
Kain menin kam̦õn̦õn̦õ rot ko Kũrjin ro rej aikuj kõjparok er jãni?
Etke jej aikuj kõjparok kõn joñan iien ko jej julo̦ki ñan menin kam̦õn̦õn̦õ ko?
Etke kokõn̦aan kããlõt menin kam̦õn̦õn̦õ ko me rej kabuñbũruon Jeova?
KAL̦APL̦O̦K AM̦ MEL̦EL̦E
Lale an wõn eddo ñan kããlõt menin kam̦õn̦õn̦õ ko ad.
“Do Jehovah’s Witnesses Ban Certain Movies, Books, or Songs?” (Katak eo ilo online)
Lale wãween am̦ maroñ kõm̦m̦ani pepe ko rem̦m̦an ikijjeen menin kam̦õn̦õn̦õ ko im iien kakkije ko.
“Menin Kam̦õn̦õn̦õ ko Kwõj Kããlõti Rem̦m̦an Ke ñan Kwe?” (Imõniaroñroñ, Oktoba 15, 2011)
Ilo bwebwenato eo etan,“I Even Overcame My Prejudice,” lale etke juon em̦m̦aan ear ukote jokãlõt ko an kõn menin kam̦õn̦õn̦õ ko.
“The Bible Changes Lives” (The Watchtower, February 1, 2010)
Lale wãween an juon jinen baam̦le kõm̦m̦ane juon pepe em̦m̦an ikijjeen menin kam̦õn̦õn̦õ ko me rej kwal̦o̦k kõn kajjetõbtõb.
Kõjparok jãn Menin Kam̦õn̦õn̦õ ko Rej Kwal̦o̦k kõn Kajjetõbtõb (2:02)