Библий гыч чын шинчымаш, кудыжым ме уло кумылын каласкалена

Иисус каласен: яндар шӱман еҥ-влак, поро уверым колын, тиде чын манын умылат (Иоан. 10:4, 27). Сандене, йӧн лекмеке, еҥ-влаклан Библий гыч проста шонымашым каласаш кумылна уло. Мутланымашым тыгай йодыш дене тӱҥалын кертыда: «А те паледа...» але «А те тыгайым колында...». Вара каласымыдам библийысе почеламут дене пеҥгыдемдыза. Очыни, тыге те айдемын шӱмышкыжӧ чынын пырчыжым ӱден кертыда, а Юмо тудым куштен кертеш (1 Кор. 3:6, 7).

• Ончыкылык

• Еш

• Юмо

• Кумалмаш

• Иисус Христос

• Юмын Кугыжанышыже

• Орланымаш

• Колымаш

• Религий

ОНЧЫКЫЛЫК

1. 1. Тачысе событий-влак да еҥ-влакын койышышт ончыктат: вашке чыла вашталтеш (Матф. 24:3, 7, 8; Лук. 21:10, 11; 2 Тим. 3:1—5).

2. 2. Мланде нигунамат пытарыме огеш лий (Пс. 103:5; Эккл. 1:4).

3. 3. Пӱртӱсым амыртымаш да пӱртӱс вий ден лийше эҥгек уже огыт лий (Ис. 35:1, 2; Почм. 11:18).

4. 4. Чылаштынат сай тазалык лиеш (Ис. 33:24; 35:5, 6).

5. 5. Те мландыште курымеш илен кертыда (Пс. 36:29; Матф. 5:5).

ЕШ

1. 6. Марий ватыжым «шкенжым йӧратыме семын» йӧратышаш (Еф. 5:33; Кол. 3:19).

2. 7. Вате марийжым келгын пагалышаш (Еф. 5:33; Кол. 3:18).

3. 8. Марий ден вате икте-весылан ӱшанле лийшаш улыт (Мал. 2:16; Матф. 19:4—6, 9; Евр. 13:4).

4. 9. Йоча-влак мут колыштшо лийыт да ача-авам пагалат гын, нуным пиалан илыш вуча (Прит. 1:8, 9; Еф. 6:1—3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

ЮМО

1. 10. Юмын лӱмжӧ уло (Тӱҥ. 22:14; Пс. 82:19, УТ; Иер. 10:10).

2. 11. Юмо мыланна кӱлешан уверым колтен (2 Тим. 3:16, 17; 2 Пет. 1:20, 21).

3. 12. Юмо чыла еҥым ик семын онча (Втор. 10:17; Ап. паш. 10:34, 35).

4. 13. Юмо мыланна полшынеже (Пс. 45:2; 144:18, 19).

КУМАЛМАШ

1. 14. Юмо мемнан деч тудлан кумалмынам вуча (Пс. 61:9; 64:3; 1 Пет. 5:7).

2. 15. Библий умылтара, кузе чын кумалаш (Матф. 6:7—13; Лук. 11:1—4).

3. 16. Мыланна чӱчкыдынрак кумалаш кӱлеш (Матф. 7:7, 8; 1 Фес. 5:17).

ИИСУС ХРИСТОС

1. 17. Иисус Христос — кугу туныктышо, тудын каҥашыже-влак кызытат пайдале улыт (Матф. 6:14, 15, 34; 7:12).

2. 18. Иисус Христос мемнан жапысе событий-влак нерген ончылгоч каласен (Матф. 24:3, 7, 8, 14; Лук. 21:10, 11).

3. 19. Иисус Христос — Юмын Эргыже (Матф. 16:16; Иоан. 3:16; 1 Иоан. 4:15).

4. 20. Иисус Христос — Юмо огыл (Иоан. 14:28; 1 Кор. 11:3).

Based on NASA/Visible Earth imagery

ЮМЫН КУГЫЖАНЫШЫЖЕ

1. 21. Юмын Кугыжанышыже — тиде чынжымак улшо кавасе правительстве (Дан. 2:44; 7:13, 14; Матф. 6:9, 10; Почм. 11:15).

2. 22. Юмын Кугыжанышыже чыла айдеме правительстве-влакым алмашта (Пс. 2:7—9; Дан. 2:44).

3. 23. Еҥ-влакын нелылыкыштым Юмын Кугыжанышыже гына решитлен кертеш (Пс. 36:10, 11; 45:10; Ис. 65:21—23).

ОРЛАНЫМАШ

1. 24. Мемнан орланымаште Юмо титакан огыл (Втор. 32:4; Иак. 1:13).

2. 25. Тӱням Сатана вуйлата (Лук. 4:5, 6; 1 Иоан. 5:19).

3. 26. Юмо орланымашнам ужеш да мыланна полшынеже (Пс. 33:18—20; Ис. 41:10, 13).

4. 27. Вашке Юмо чыла орланымашым пытара (Ис. 65:17; Почм. 21:3, 4).

КОЛЫМАШ

1. 28. Колышо-влак нимомат огыт пале да огыт орлане (Эккл. 9:5; Иоан. 11:11—14).

2. 29. Колышо-влак мыланна полшен але осалым ыштен огыт керт (Пс. 145:4; Эккл. 9:6, 10).

3. 30. Колышо лишылна-влак угыч илаш тӱҥалыт (Иов 14:13—15; Иоан. 5:28, 29; Ап. паш. 24:15).

4. 31. Вашке «колымаш ок лий» (Почм. 21:3, 4; Ис. 25:8).

РЕЛИГИЙ

1. 32. Юмылан чыла религий огыл йӧрышӧ (Иер. 7:11; Матф. 7:13, 14, 21—23).

2. 33. Юмо сайла кояш тӧчышӧ еҥ-влакым ужмышудымо (Ис. 29:13; Мих. 3:11; Мар. 7:6—8).

3. 34. Чын религий йӧратымаш дене ойыртемалтеш (Мих. 4:3; Иоан. 13:34, 35).