THIHONGA 1
Hashupi waJehova, hanu munye napo?
Denmaka
Tayiwani
Venezuela
Indiya
Hashupi waJehova hangatji wa dimuka? Kukona tu kare handambo, endi twa rughani pofotji, endi mungonda dhofotji, pamweya twa kuvureka Bayibili rumweya noye. Ghoku twa tunda ne kupi, ndani pashanye twa yuvitheranga matawero ghetu?
Atwe twanu vene kenge yira hamweya. Nunderero dhetu dhakutjaka. Twa shwagha kumaghukareri ghokukutjaka-tjaka, twamweya mbadi twa tawire mwaNyambi ghoshemwa. Kughutho ghokukara Hashupi, twa tokomenine yikuhonga yoghushemwa yomuBayibili. (Yitenda 17:11) Twa tawire yikuhonga yomuBayibili, ndani gho twa tokora kukarera Jehova Nyambi.
Atwe kuwanenamo ghuwa mu kukuhonga Bayibili. Kenge yira hanu wahe, natwe twa kara nomaghukukutu. Mukukumithamo eyi dha honganga Bayibili muyipara yetu, kukara nomuparo ghoghuwa shemwa. (Pisalemi 128: 1, 2) Yo yatuningithanga tu yuvithe yinu yoyiwa eyi twa kuhonganga muBayibili kohamweya.
Atwe kukoñotwedha kupara kutwara mumiragho dhaNyambi. Edhi miragho dhomuBaybili kutughamwena tu kare hanu mwene nokuneghedha fumwa kohamweya, karo kuneghedha yikara yira kughambanga ghushemwa ndani kukara nothiñeke. Adho kughamwena hanu mumukunda ha kare ndjewa-ndjewa, ha kone kurughana thinu, karo hakare nomadhiko ghothiraro noyikaritha yoyiwa. Yoyishi “Nyambi ne mbadi gha tenda makutjakero,” atwe twa kamatawero ghofotji mukaye kokaheya, mbadi twa taghura mako ghamweya endi kukuhatithera kughuporitika. Ngambi kenge twa kara hanu vene, matawero ghetu ne ghofotji.—Yitenda 4:13; 10: 34,35.
Yinu munye yina hokokanga koHashupi waJehova eyi yahokokanga kowanu hamweya karo?
Miragho munye hakuhonga Hashupi waJehova dha kara muBayibili?