Kunyanda mbo kuna huru ndi?

EYI DHA GHAMBA BAYIBILI

“Nyambi mbo ghana kuyura maruhodhi ghomahe ghomeho ghawo. Yifa mbadi mbo yi kara po karo no yikudhekera temba no madiro temba no maghukukutu temba.”—Yihokora 21:3, 4.

MUDYO GHOMAÑANDO GHO

Kutuneghedha eshi, Nyamba mbadi yodiye gha retithanga po maghukukutu ghetu.—Jakobusi 1:13.

Kutuhengaghura pakudimuka eshi, Nyambi kutufera ñeke gha pa tuna karanga nomaghukukutu.—Sakaliya 2:8.

Kutukuruperitha eshi, kunyanda mbo kuna huru po.—Pisalemi 37:9-11.

KUKONA TU TAWE EYI DHA GHAMBA KO BAYIBILI NDI?

Tu kenge kuyinu yiwadi:

• Nyambi gha nyenga kunyanda noghuyi. Ghayare ghodi gha kuyuvire Jehova Nyambi apa hanu wendi hawapethire. Bayibili kuneghedha eshi, Jehova mbo ghana ka ‘fera ñeke hanu wendi, yoyishi kuwapetha.’—Vapanguli 2:18.

  Nyambi gha nyenga thikuma awa ha pethanga hayendhawo. Pathitamenedhi, Bayibili kughamba eshi Aye kwa nyenga “moko ghokupagha hanu hokupira murandu.”—Yisewe 6:16-19.

• Nyambi kutupakera thinga. Jehova kututjokedha tu tape yitokota yetu, ‘yoyishi aye kutukunga endi kutupakera thinga.’—1 Petrusi 5:7.

  Kupitera muGhufumu ghendi, Jehova mbo ghana ka kutunditha po kunyanda kwa kehe no. (Mateghusi 6:9, 10) Kengeno Aye kuna kuhengaghura awa ha mu shananga nomutjima ghoghuhe.—Yitenda 17:27; 2 Hakakolinte 1:3, 4.