Liliambas bankaiara rayakamra naha Tasbara!
Naha waungkataya ulbanka param marikanka na sakisa hilp mai munaia dukiara nu takma ya ba Tasba na paskan bara diara nani witin bilara ba sin. Man tanka brima God ba, Tasba na paskan, witin ai nina aihwa pali brisa. Nahara sin tanka wih bangwamna dia muni God waitna ba paskan bara man nahki sip sma lilia kaia bankaiara rayakamra naha Tasbara.
Bila kaiki bangwi sna lilka nani ailal na wal namkra kaiki tanka kau param brima. Kau pain tanka ailal briaia dukiara man baibil teks nani lilka aihkika nani tnayara ulban ba aisi kaikaia sma. Baku lika, man sip kama yakan pali aisikaikaia God pramiska nani kum kum baibilra ba bara God dia wi ba man daukaia sma naha pramiska tnata alkaiba briaia dukiara.
Sip sa brin mai daukaia naha ulbanka na yus munaia upla wala nanira hilp munaia dukiara. Luhpa nani brisma kaka, sip sma yus munaia God tanka briaia dukiara. Man almuk nani aisi kaikras tasbaika kumra iwisma kaka, lilka nani ba sipsma yus munaia witin nanira hilp munaia God lukanka nani tanka briaia dukiara baku sin witin nani, ai lama uplika nanira hilp munaia.
Kasak pali yang nani bila kaiki bangwisna naha maisa pahkanka na tanka pliki sma ba yabalkam kuakbia blisin nani ailal briaia dukiara, wala nanira marikaia dukiara kat sin nahki naha Tasbara bankaiara iwaia ba.