¿Gâd kupia lâka ba ani sa ki?

Gâd ai brinka sa yawan paradais kum ra kupia kumi bara lilia lâka ra iwbia.

Ban kra makabi walma: “¿Nahki naha takaia sip sa?”. Baibil ra wisa Gâd Kingka lâka ba naha daukbia. Wan Papaskra want sa upla sut naha Kingka lâka bara dîa daukbia ba nu takbia (Lawana 37:11, 29; Aiseya 9:7).

Gâd wan yamnika dukiara lukisa.

Aisa latwankira kum baku, wan Aisa painkira want sa yawan ba lilia lâka bribia (Aiseya 48:17, 18). Witin pramis munisa ‘ya Gâd kupia lâka kat dauki ba, ban kaia ra raya ban iwbia’ (1 Jan 2:17).

Jehova want sa yawan ai yabalka nani ra wapbia.

Baibil ra wisa wan Papaskra ba “ai yabalka nani ra wapbia” dukiara wan ‘smalkaia’ want sa (Aiseya 2:2, 3). Witin “bâk saki brin ai uplika nani” ai kupia lâka ba tasba aiska ra smalkbia dukiara (Apastil Nani Sturka 15:14).

Gâd want sa yawan ba asla lâka Witin ra mayunbia.

Rilidian rait aihwa ba upla nani ra latwan lâka ra asla daukisa (Jan 13:35). ¿Ya nani ba nisan sâtka bani ra smalkisa asla lâka ra Gâd ra mayunbia dukiara? Naha makabi walanka ansika ba naha wauhkataya ra takisa.