LISIN 4
¿Dîa muni yawan ba Baibil kum ulbi sakan?
Congo (Kinshasa)
Ruanda
Símaco wauhkataya pîska ra Gâd nina ba Lawana 69:31 ra takisa, Jisas pruan ningkara 300 apia kaka 400 mani baku luan ra
Mani ailal bilara, Jehova Witniska nani ba Baibil sât sât yus muni, ulbi sakan bara upla ra yaban. Sakuna, baha wina witin nani laki kaikan Baibil raya kum paskaia. Naha ba upla ra hilp munbia ‘tânka kasak ba’ lan takaia, kan naha sika Gâd kupia lâka ba (1 Timoti 2:3, 4). Baha mita, 1950 manka ra Traducción del Nuevo Mundo Baibilka wina pîska kum kum ulbi sakan Inglis bîla ra. Naha Baibilka ba 120 bîla pura, sitnika kat lakan sa.a
Baibil kum tânka isi ra ulbi sakaia nit kan. Upla bîla aisanka nani ba chens takisa. Baibil ulbanka aihkika ba upla sut pain ai tânka briras. Ban kra bîla aisanka uba almuk nani yus munisa. Baku sin, Baibil tânka pliki kakaira nani ba patitara Baibil ulbi sakanka nani ba naiwa piua ra brisa, bara naha Baibilka nani ba kau klir aisisa. Baha mita, naha nani ba hilp munan Hibru, Arameo bara Grik bîla ba kau pain tânka briaia.
Baibil kum Gâd dîa wi ba kat aisabia nit kan. Baibil lakan uplika nani ba ai lukanka nani wina lakaia watlika ra, patitara wauhkataya nani ra dîa taki kan ba kat laki ulban. Sakuna, Baibil aihkika ra Gâd nina ba, Jehova, mâkras.
Baibil kum Gâd nina ba marikbia nit kan (2 Samuil 23:2). Traducción del Nuevo Mundo Baibilka ra Gâd nina ba aima 7.000 baku ulbi mangkan sa, naha wahia mâyara mariki ba baku (Lawana 83:18). Mani ailal bilara dîa laki kaikan ba wal Baibil kum pain ba paskan sa, bara naha ba Gâd lukanka nani rait pali marikisa. Baibil kum brisma kaka, kupiam bukisa yu bani aisi kaikma, kan naha sika Jehova Bîla sa (Jasua 1:8; Lawana 1:2, 3).
¿Dîa muni Baibil ulbi sakanka raya kum nit kan?
Upla kum Gâd kupia lâka lan takaia want sa kaka, ¿dîa daukaia sa?
a Traducción del Nuevo Mundo Baibilka ba Miskitu bîla ra kau ulbi sakras sa. Ban kra, man bîla asisanka wala ra aisi kaikaia sip sma.