¿Dîa sât sturka yamni dukiara aisisa?

1. ¿Gâd sturka yamni ba dîa tânka sa?

Gâd ai brinka sa upla nani ba naha tasba ra liliakira iwbia. Witin upla nani ra latwan kaiki ba mita, naha tasba ra diara sut paskan. Naika piua ra kuntri bani ra upla ra yamnika manis yabia. Baku sin, upla pât wahwanka ba danh âpu kabia. Jirimaya 29:11 aisi kaiks.

Gabamint kumi sin naha tasba ra rau munan lâka, siknis bara prura ba âpu daukras kabia. Sakuna sturi yamni nani bâra sa. Tisku pali, Gâd tasba gabamintka nani sut sauhki tikbia, bara ai Kingka lâka ba mangkbia. Baha piua ra upla sut lilia lâka ra iwbia bara siknis nani ba âpu kabia. Aiseya 25:8; 33:24, bara Daniel 2:44 aisi kaiks.

2. ¿Dîa muni naha sturka yamni ba nit sa?

Gâd mita upla saura nani ra sauhki tikbia piua ra pât wahwanka ba danh âpu kabia (Sofonías 2:3). ¿Ahkia naha takbia ki? Baibil ba kaina manis aisan naiwa upla trabilka nani dukiara. Naha ba wan marikisa tisku pali Gâd trabil nani sut wapnika mangkbia. 2 Timoti 3:1-5 aisi kaiks.

3. ¿Yawan dîa daukaia sa?

Gâd Baibil ra dîa ulban ba yawan lan takaia sa. Naha ba aisa kum wauhkataya kum ulbi blikan baku sa. Bahara wan wisa nahki wan rayaka lilia kum briaia naiwa piua ra, bara upla rayaka ba nahki kabia naha tasba paradais kum daukbia piua ra. Ban kra upla kum kum ai brinka apia kabia man Baibil ba stadi taki tânka brima. Sakuna baha swirka mai takaskbiara. Sins Lâka 29:25 bara Param Marikanka 14:6, 7 aisi kaiks.