Nahki Dawan Tanka Walbia?
1. a) Diakan smalkaia ba ban isi lika apia sa? b) Dia muni yawan ban smalki taukisa ki?
1 Jehova yua ba isti aula ba kaiki, Gâd dahra, bara witin daukaia luki ba dahra tanka kasak ba upla wala walbia help munaia kau nit pali sa (Jan 17:3; 2 Pi. 3:9, 10). Naiwa pyua ra baha daukaia ba ban isi apia sa. Upla kum kum walaia want apia kabia, apia kaka wan lawaska kikbia kaia sa (2 Pi. 3:3, 4). Ban sakuna, yawan lukisa miskitu uplika tila wina ailal sin bara sa sturka yamni ba walbia taim, alki daukbia. Sakuna upla wih smalkras sa kaka, nahki Dawan tanka walbia? (Rom 10:14, 15.)
2. Pâl daukan ba nahki karnika wankisa ki?
2 Wan Mapara Buya Taim. Kingka laka sturka walaia wilin nani yamnika ba dukyara, yawan si brih plapaia apia sa. Eurup tanira pas taunka Pâl bui sturka yamni aisan ba sika, Pilipai taunka kan. Baha ra Pâl Sailas wal mapara latubi alki klala ni karna wipi silak ra dingkan (W.n [Wark nani] 16:16-24). Ba’wina Pâl si brih tatatwi dan smalkras kan luki? Pilipai wina Tesalonaika ra wan taim, ‘Gâd mita help munan Pâl ai sturka yamni ba sibrin apu smalki kabia’ (1 Tes. 2:2). Rait apia Pâl baku, yawan sin “diara pain dauki swapaia apia sa”? (Gal. 6:9.)
3. Walan daukras kan kum kum ba ra dia munan ai kupia lakaia?
3 Pyu aihwa wina walan daukras kan ailal ba, las ra ai kupia lakisa. Lalah trabilka mita, siknis nani mita, ai uplika kum pruan mita, apia kaka tasba ra sturka saura ba mita munan baku takan (1 Kor. 7:31). Wala nani ra, ai aisika-yaptika walan daukras kan. Kuna pawan taim, witin nani lika walan dauki kan. Yawan ban smalki bamna —kau pyua bara si—, naha nani sin ‘Jehova nina maki winbia’ sip munisa (Rom 10:13).
4. Dia wan nikbisa “smalkaia ba swiras” kaia?
4 “Smalkaia ba Swiras”. Jehova ra, bara wan lama uplika ra sin latwan kaiki ba mita, patitara apastilka nani daukan ba kat, yawan sin disaipel dauki “smalkaia ba swiras” (W.n 5:42). Naiwa upla ailal ‘sari lukisa uba saurka nani kaiki ba dukyara’ (Isi. 9:4). Sturka yamni ba wali ai auyapah bila kaikan laka rait bukbia! Bara upla aihkika walan daukras kabia kra sin, Baibil ba pramis wan munisa Jehova lika wan warkka yamni kaikisa (Hibru 13:15, 16).