Baibil Stadi Yabaia dukyara “Gâd Latwanka laka” Bukka ba Nahki Yus Munbia
1. “Gâd Latwanka laka” bukka ba, dia dukyara paskan sa?
1 “Spirit Hulikira ni Wan Ta Pahkisa” Aidrubanka Kau Tara ba ra, buk raya kum “Gâd Latwanka laka ra Ban Bas” maki ba kaikaia ba, wan kupia kasak lilia sakan! Maisapahkata baku, bukka na sika, yawan Jehova lâka bapanka nani ba param kaiki alki daukbia wan smalkaia dukyara paskan sa, sakuna Baibil tanka isi wan smalkaia dukyara lika apia. Bahamna bukka na, smalki tauki upla ra yabia apia.
2. Bukka na nahki yus munan kabia, bara ya nani wal?
2 Baibil stadi taki uplika kum wal Baibil Smalkisa bukka ba dan takbia taim, bukka na stadi takbia. Amya tikpara spirit laka ra upla bani ai pitka kat pawisa. Kum kum ba kau isti pawisa wala nani ba wal. Bin apu sap kaka pliska kum ra stadi takaia ba aitani kabia. Stadi tatakra ba ai tanka pain bribia dukyara sin aman luki kais. Ban sakuna, upla kum buk sat sat pat stadi takan, aidrubanka ra waras, bara lan takan ba kat alki daukan daukras sa kaka, bukka na stadi takbia apia.
3. Adoremos bukka ba wal stadi yabisa kaka, dia daukbia ki?
3 Adoremos bukka ba ra, las saptika nani ra man namikara stadi yabisma kaka, ban kra kau aitani lukma baha bukka dan takaia. Bara stadi tatakra kupia bukaia witin selp “Gâd Latwanka laka” bukka ba aisi kaikbia. Apia sa kaka, bitar luki kama mahka buk raya ra taui ta wina ta krikaia. Bara Baibil Smalkisa bukka ba wal dauki ba baku, Ulbanka Taka ra lalka nani stadi laki kaikma sapa selp luki kais.
4. Upla kum Baibil Smalkisa wihki “Gâd Latwanka laka” bukka ba sin stadi taki kau dan takras aihtabi takisa kaka, dia daukbia ki?
4 Upla kum bukka wal sut stadi taki dan takras kainara aihtabi takisa kaka, “Gâd Latwanka laka” bukka ba dan takbia kat uplika ba wal ban stadi taki kabia. Stadi tatakra pat tahbi daukan kabia sin, man sip sma awar nani ba, wih kaikram ba, bara stadika ba sin kulki saki maisapahkaia. Yulam kahbi smalki tataukra ba sin sip sa awar nani ba kulkaia.
5. Kauhla takan smalki tataukra nani ra help munaia dukyara, “Gâd Latwanka laka” bukka ba nahki yus munbia?
5 Kangrigisan Ta Bri Daknika tila wina almukka kum ba, kauhla takan smalki tataukra kum ra stadi yama warkka maikisa kaka, man sip sma wiaia “Gâd Latwanka laka” bukka ba wal ani saptika pali nani laki kaikaia lukisma. Nahamuna stadika nani ba pyu uba wihka stadi takaia nit apia sa. Bukka raya wankan na sika, “Gâd latwanka laka ra” ban kaia help wan munbia bamna, rait diara tara kum sa! (Judas 21.)