America Central tani ra smalkaia warkka ba
1. Dia tanka sa Jehova trukka tara ba, bara nahki tanka ra Witin ta brisa?
1 Isikiel bukka, saptika 1 ba Jehova truk tara kum ra uli sa marikisa. Baha trukka tara ba wilwaika walhwal brisa, baku sin selp plapisa, kan ai karnika ba spirit hulikira wina bali sa, baha mita naha trukka ba tnatka sat sat ra nikbisa. Naha trukka ba Jehova asla takanka piska purara ba tanka sa. Bara Witin bui ta brisa anira waia ba, baku sin ai kupia laka daukaia dukyara yus munisa (Isi. 1:4-28).
2, 3. a) Naiwa pyua ra dia dukya nani chens taki aula ba kaikisa? b)Yawan nahki nu sa Gâd uplika nani ba asla iwisa?
2 Diara liliakira nani wan pyua ra taki ba. Mani nani luan ra kaiki aula sa diara kum kum chens muni aula sa bara naha ba tanka wan marikisa nahki Jehova trukka ba takaskraskira plapisa. Sampla baku, wan aidrubanka nani ba kau kunhku daukan sa, wauhtaya nani briaia ba nanara upla sut ba plis kumi wina saki blikisa, bara tnatka isti nani ba sin —Internet baku— nanara yus munisa. Rait pali naha taki ba sut kaikaia ba liliaka tara kum sa!
3 Prapit Emus ba maisapahkan yua kum balbia bara ‘nisan nani sut’ upla daknika kum takbia bara baha nani ‘Gâd nina yus munbia’ (Emus 9:11, 12; W.n 15:15-17). Naha uplika nani ba Jehova dukya takan sa baha mita asla iwisa. Naha ba yawan nu sa, kan baha uplika tilara bila wala aisisa mita, apia kaka nisan wala wina ba mita aihka kaikras sa.
4, 5. Ta bri Daknika ba dia chens muni aula sa, bara dia muni?
4 Ta bri Daknika ba tasba aiskara wark kum kum Betel nani ra dauki aula kan ba dakbi sakisa. Nanara Mexico mita Costa Rica, El Salvador, Guatemala, Honduras, Nikarawa bara Panama King laka warkka dauki ba pura kaiki kabia. Naha ba, Belise kuntrika ra pat mani kum kum luan ba ra dauki aula sa. Baha dauki aula ba mita naha kuntrika 6 Betelka nani ba praki aula sa. Baku kau isi sa plis kum wina, dia nitka taki ba wapnika mangkaia.
5 Diara nani chens muni aula ba smalkaia warkka tnatka isi kum ra ta briaia want sa, Jehova asla takanka ra dimaia want uplika nani ra spirit laka ra ban help muni kabia (Organizados bukka, wahya 4; Lawana 145:21; Par.m 22:17). Diara kau tara ba sika, smalkaia warkka ba isti pali pawi aula ba mita nitka ailal takisa, bara baha nitka yabaia dukyara wark kum kum Betel nani ra dauki aula kan ba dakbi sakaia. Naha sut ba, sip munisa Gâd uplika nani ba kau asla iwaia.
6. Las kati nani ra America Central tanira dia dukya nani chens muni aula sa ki?
6 Baha mita naha manka ra Pastara kati ta kriki wina Waupasa kati kat, Betel nani kumi bani ba ai warkka praki aula sa. Baha purkara, muihni lakri nani kum kum baha Betelka nani prakan ba ra wark taki kan ba Mexico Betelka ra blikan, wala nani King laka smalkaia warkka ta baikaia blikan wan.
7. Ta brih Daknika ba diara kum daukaia lukisa taim anira pas sins laka plikisa ki?
7 Jehova laka nani ba nina blikbia. Naha daukaia tnatka nani chens muni aula ba, pura sunra nani daukan bara Jehova ansika yaban. Pyua kum ra, Milton G. Henschel Ta bri Daknika kum baku kan ba, mani ailal warkka daukan ba naku makabi walan. Naha tasba ra asla takanka kum bara sa, ai laka nani sut ba Baibil ra dia wi ba kat daukisa? Raitka ba kumi sin apu sa (“Testimonio cabal” bukka, wahya 111-113, baiki sakanka 10 laki kaikaia sip sa). Yawan nani kasak lukaia sa pyua bani ra Jehova spiritka hulikira karnika nina blikisa.
8. Nahki muni kristian kumi bani ba, Jehova trukka plapi ba lamara waia sip sa?
8 America Central ra Betel kumi bani ra wark taki ba Ta bri Daknika nani dia lukanka nani brin ba ta baikan sa, baku sin misan uplika, impaki pura kakaira, taura smasmalkra, kangrigisan almukka, help mamunra, bara smalki tataukra nani. Bara Jehova blisinka tara ba upla ul purara kabia, kan kumi bani kupia kumi laka ra naha lukanka ba “Ta bri Daknika nani ra ta baikan sa” (Hibru. 13:17).
9. Dia help wan munbia naha kuntrika kumi bani muihni lakrika nani wal kakaira takaia?
9 Kuntri kumi bani dia praiska kat smalkaia warkka dukyara ta baiki ba, wahya 8 bara 10 mapka ra takisa. Pat laki kaikram sa ani tasbaia piska ra iwisma sapa? Aitani kabia Anuario de los testigos de Jehová bukka laki kaikaia. Kuntri kumi bani ba ani piska ra bara sa sapa, tasbaia bara uplika nani nahki spirit laka warkka ba ta krikan. Baha nani laki kaikaia sip sa Pamali Mayunra Tihmika bakku, aitani kabia wan muihni lakri nani tasba aiskara bara nani ba kakaira takaia, naha tnatka ra wan kasakka lukan laka ra kau asla wan daukisa (Epe. 6:21; Pil. 1:12).
10. Dia yamnika nani ba pat kaikisa, bara naha wal dia bila kaikisa?
10 Ta bri Daknika spirit laka warkka dauki aula ba tanka marikisa patitara kristianka nani blisin ailal brin ba (W.n 16:4, 5). Param pali kaikisa naiwa pyua ra sim baku takisa. Sampla kum, Costa Rica wina impaki pura kakaira kum naku aisan: “Yang tingki maikaia want sna warkkam ba spirit hulikira mita pain dauki bangwisma. Nanara kati bani smalkaia warkka ra dia daukan ba ulbi bliki ba, diara kum makabi walaia, baku sin apis tara bara kangrigisan nani wal aisaia ba kau isi bara aihni pali sa. ‘Plun kau pain ba nisan nani wina’ pisa. Wan asla takanka ba wan ta baikisa baha mita lilia daira walisna, rait pali Jehova naha dukya nani sut ba daukisa” (Ais. 60:16). Kristian waitna wala kum naku aisan: “Uba lilia sna naha warkka tilara help munaia. Lilia bila kum maikisna naha tnatka isti nani —Internet— dauki aula ba dukyara. Man nani wan lamara sma baku daira walisna. Baku sin, Jehova asla takanka wan ta bri ba kau kaikisa”.
11. Jehova ra mayunisa pyua ra nahki tnatka ra wan aslika laka ba ban bri kabia?
11 Asla laka ba ban bri kabia. Wilinkira Jisas Kraist —“kangrigisan lalka ba”— nina blikbia kaka, ani kuntrika ra Betel bara kabia sin, “sim lukanka ra” bara wan daukanka nani sin asla kabia (Epe. 5:23; 1 Kor. 1:10). Yawan kasak lukisa wan kaina pyua aula ba kau diara aihka yamni nani kaikbia, Jehova trukka tara nahki plapi ba, bara king laka smalkaia warkka kau pawi aula ba kaikbia. Sim tnatka ra, yawan nani wan taura wabia kau wan kasakka lukan laka ba karna daukaia, pyu bani ra aikuki asla laka ra Jehova ra mayunbia. Bara “alba kasak yamni” wan ta bri ba ra kasak lukaia (Mat. 24:45-47).
[Wahia 8 Ulbanka tânka kunhku]
Mexico
GUATEMALA
Guatemala Taunka
BELISE
Belmopan
HONDURAS
Tegucigalpa
EL SALVADOR
San Salvador
Manawa
NICARAWA
COSTA RICA
San Jose
PANAMA
Panama Taunka
COLOMBIA
Naha 2010 Sikla kati 31 ba kat
GUATEMALA
Upla an iwi ba: 14,361,666
Kangrigisan ailal daknika sirpi: 25
Kangrigisan nani: 401
Smalki tataukra nani: 30,015
Taura wih smasmalkra nani: 3,179
Pyu aiska smasmalkra nani: 207
Misan uplika nani: 30
EL SALVADOR
Upla an iwi ba: 5,835,231
Kangrigisan ailal daknika sirpi: 36
Kangrigisan nani: 665
Smalki tataukra nani: 37,337
Taura wih smasmalkra nani: 2,617
Pyu aiska smasmalkra nani: 280
Misan uplika nani: 11
COSTA RICA
Upla an iwi ba: 4,509,392
Kangrigisan ailal daknika sirpi: 21
Kangrigisan nani: 394
Smalki tataukra nani: 26,043
Taura wih smasmalkra nani: 2,051
Pyu aiska smasmalkra nani: 92
Misan uplika nani: 29
BELISE
Upla an iwi ba: 303,283
Kangrigisan ailal daknika sirpi: 2
Kangrigisan nani: 49
Smalki tataukra nani: 2,183
Taura wih smasmalkra nani: 308
Pyu aiska smasmalkra nani: 37
Misan uplika nani: 9
HONDURAS
Upla an iwi ba: 8,175,763
Kangrigisan ailal daknika sirpi: 18
Kangrigisan nani: 302
Smalki tataukra nani: 19,009
Taura wih smasmalkra nani: 2,739
Pyu aiska smasmalkra nani: 194
Misan uplika nani: 92
NICARAWA
Upla an iwi ba: 5,727,000
Kangrigisan ailal daknika sirpi: 19
Kangrigisan nani: 341
Smalki tataukra nani: 22,848
Taura wih smasmalkra nani: 2,471
Pyu aiska smasmalkra nani: 215
Misan uplika nani: 68
PANAMA
Upla an iwi ba: 3,504,483
Kangrigisan ailal daknika sirpi: 18
Kangrigisan nani: 279
Smalki tataukra nani: 13,225
Taura wih smasmalkra nani: 1,484
Pyu aiska smasmalkra nani: 171
Misan uplika nani: 38
MEXICO
Upla an iwi ba: 108,782,804
Kangrigisan ailal daknika sirpi: 557
Kangrigisan nani: 12,339
Smalki tataukra nani: 710,454
Taura wih smasmalkra nani: 92,049
Pyu aiska smasmalkra nani: 1,284
Misan uplika nani: 5
[Wahia 10 Ulbanka tânka kunhku]
Mexico Taunka