Maisampahkisa

◼ Kuswa kati: Gâd dia wan makabisa ki? Kangrigisan ra Los jóvenes preguntan (volumen 1) bukka bara sa kaka, ul dan daukaia sa. Kakamuk kati, bara Lih Wainhka kati: Smalkisa bukka. Pas yua ra upla kum wih kaikuya taim, Baibil stadika kum ta krikaia trai munbia. Bara uplika ba Smalkisa bukka brisa, sakuna Baibil stadika kum brin daukras kaka, pat luan wauhkataya kum, apia kaka wauhtaya tara kum yabaia sip sa. Lih Mairin kati: Baibil sturka nani bukka. Tanka kasak walan dauki nani bara aidrubanka nani ra wi ba, apia kaka Jisas Pruan Kupia Kraukanka ra aidruban uplika nani ra kli wih kaikaia wama taim, Smalkisa bukka wal Baibil stadika nani ta krikaia trai muns.

◼ Jisas Pruan Kupia Kraukanka pyua ra aisanka pranakira dauki ba, naku kabia: “Baibil sinska laka ba sip sa wan trabilka nani ba help wan munaia?”

◼ Jisas Pruan Kupia Kraukanka ba sandi 17 yua ra daukan kabia. Baha mita, kangrigisan aidrubanka kumi sin baha yua ra daukbia apia, smalki taki waia aidrubanka ba baman daukbia. Kangrigisan kum baha yua ra aidrubanka kum brisa kaka, wik bila ra yu wala daukaia sip sa. Asla Aidrubanka Watla kum ra kangrigisan ailal asla taki ba mita, aidrubanka kum, yu wala sip daukras sa kaka, naha ba daukbia apia. Baku takbia kaka, pamali nani ra kupia bukisa La Atalaya stadika ba Pamali Mayunra Tihmika ra daukaia.