‘Umpira kaikan lâka’ tara bris
1. ¿Dîa muni upla nani ba hilpka lâka nit sa?
1 Naiwa piua ra upla nani ba umpira kaikan lâka nit sa. Naha tasba trabilka mita upla nani ba lilia apia sa, baku sin uba wari takisa bara bîla kaikan lâka âpu. Bara upla ailal ba hilpka nit sa, baku yawan kristian nani banhwi ba mita wan walka nani dukiara lukaia sa (Mt. 22:39; Gal. 6:10). ¿Dîa muni baha daukaia sa?
2. ¿Umpira kaikan lâka marikaia dukiara ani ba natka kau pain sa?
2 Umpira kaikan lâka marikisa. Umpira kaikan lâka tara ba Jehova wina balisa (2 Ko. 1:3, 4). Jehova wan kupia bukisa witin baku upla wala nani ra ‘umpira kaikaia’, bara adar wankan sa Gâd Kingka lâka sturka nani ba wan lama uplika nani ra smalkaia (1 Pi. 3:8). Smalkaia warkka ba natka kau pain sa, “kupia sari uplika nani” lilia daukaia, kan Gâd Kingka lâka baman upla trabilka nani wapni mangkaia sip sa (Ais. 61:1). Naika piua ra, Jehova upla nani ra umpira kaiki ba mita saurka lâka ba âpu daukbia bara tasba raya kum brih balbia (2 Pi. 3:13).
3. ¿Jisas upla nani ra kaikan baku yawan nahki nina blikaia sa?
3 Jisas upla ra kaikan baku yawan kaikaia sa. Jisas upla ailal ra smalkan, sakuna upla kumi bani ra luki kan. Witin nu kan upla kumi bani ba spirit lâka ra silp ai nitka bri kan. Witin nani ba sîp nani sepadkas baku banhwi kan. Jisas dîa kaikan ba witin ra hilp munan upla nani ra umpira kaiki smalkaia (Mk. 6:34). Jisas upla nani ra kaikan baku, yawan baku kaikbia kaka, umpira kaikan lâka marikbia. Bara wan bîla aisanka bâk marikbia upla nani ra umpira kaikisa (1 Ko. 9:19-23).
4. ¿Dîa muni ‘umpira kaikan lâka’ bri kaia sa?
4 Upla ba nisan sut wina Gâd Kingka lâka sturka ba walisa, kan kaikisa yawan witin nani dukiara lukisa. Baha mita ‘umpira kaikan lâka’ bri kaia sa, baku natka ra Jehova kupia lilia daukbia (Kol. 3:12).