Gâd warkka daukaia yamnika ba tara kulkaia
1. ¿Upla nani ba smalkaia warkka ba nahki kaikisa?
1 Naha tasba Sitan karnika mununhtara ba mita smalkaia warkka ba diara ‘bahki’ baku kulkisa (1 Ko. 1:18-21). Naha sât lukanka saura ba yawan aman kaikras kaka, sip sa wan spiritka lâka ba kauhla takaia bara smalkaia warkka kau wiria daukaia lukbia (S.L 24:10; Ais. 5:20). ¿Dîa muni aitani sa kulkanka tara yabaia Jehova Witniska kum kaia? (Ais. 43:10.)
2. ¿Dîa muni smalkaia warkka ba ‘warkka holikira’ kum sa?
2 ‘Warkka holikira’ kum. Apastil Pal win smalkaia ba ‘warkka holikira’ kum sa (Ro. 15:15, 16). ¿Dîa tânka sa smalkaia ‘warkka holikira’ ba? Naha sât warkka yamni ba daukisa kaka, Jehova nina ba prana daukisa (1 Ko. 3:9; 1 Pi. 1:15). Yawan Jehova ra smalkaia warkka yabi ba Witin “mayunra” lâka baku kaikisa, baha mita smalkaia warkka ba mayunra lâka kum sa (Hib. 13:15).
3. ¿Dîa mita smalkaia warkka ba kulkanka tara yabisa?
3 Smalkaia warkka ba tara pali ba mita, Jehova upla wiria baman wahbi sakan sa. Yawan nu sa insal nani ba naha warkka ba kau pain daukaia sip sa (1 Pi. 1:12). Sakuna Jehova naha warkka aihka pranakira daukaia dukiara yawan upla ‘mistikkira’ nani ra wahbi wan sakan sa (2 Ko. 4:7).
4. ¿Nahki natka ra smalkaia warkka ba kau kulkanka tara yabaia sa?
4 Wan rayaka ra tâura mangkaia. Yawan wan rayaka ra smalkaia warkka ba ‘kulkanka tara’ yabisa (Pil. 1:10). Baku sin wik bani ra smalkaia dukiara wan taimka pain yus munisa. Sim lawana aiwani daknika kum nahki upla nani mawanra ai warkka kau pain daukaia want sa kaka, kaina manas ridi takisa bara kau pain aiwanaia trai munisa. Sim natka ra yawan kaina manas ridi takisa smalkaia warkka dukiara, baku natka ra yawan “Gâd kasakkira tânka bîla ba wapni kat smalki” kabia, naku dauki baman sip kabia ‘pain pali smalkaia’ (2 Ti. 2:15; 4:2).
5. ¿Ya nani smalkaia warkka ba tara pali kulkisa?
5 Yawan trai kaikaia sa upla wala nani smalkaia warkka ra nahki kaiki ba mita wan spiritka lâka ba kauhla takbia apia. Baku sin, wan kupia kraukaia sa upla nani kau kuntri ailal ra bâra sa smalkaia warkka ba yamni kaikisa. Yawan nu sa upla ailal ba ai brinka apia sa naha warkka daukbia. Sakuna kau tara ba sika Jehova nahki ai dara wali ba, baku sin tara pali kaikisa yawan nahki trai kaiki ba dukiara (Ais. 52:7).