Nu Takan Daukisa

◼ Baibil stadika kum upla watla durka kat daukisa kaka, ¿wan pura sunaia sip sa?

Baibil stadika daukisa piua ra tâ krikaia bara prakaia pura sunra dauki ba wina yamnika manis sakisa. Pura sunra bâk Jehova ra spirit holikira makabisa Baibil stadika nani daukisa piua ra (Lk. 11:13). Pura sunra dauki bâk stadi tatakra nani ba ai tânka bribia naha smalkanka ba kulkanka tara brisa baku sin ai pura sunaia lan takbia (Lk. 6:40). Stadi tatakra nani ra aihni pali pura sunra tânka ba yawan smalkaia. Bara taim nani ba sât wala takisa, baha mita tâ brabrira ba dîa daukaia luki ba aman kaikaia sa, stadika kum watla durka ra daukisa piua ra pura sunra daukaia sip sa sapa.

Yawan ani pliska ra stadika daukaia luki ba aman kaikaia sa. Ban kra pliska ba pain sa kaka sip sa stadika tâ krikaia dukiara pura sunra prahni kum daukaia bara prakaia dukiara sin. Stadika daukisa piua ra stadi tatakra ba upla wala nani witin ra kaiki ba mita pain ai dara walras sa kaka, kau pain kabia piu wala ra sanska pain takbia kaka daukaia. Ani pliska ra kabia sin stadika ba rispik lâka wal daukaia bara pura sunra ba sin daukaia sa (Gâd Warkka Dauki wauhkataya, Kakamuk kati 2005 manka ra ulbi sakan ba wina wahia 4 ba laki kaiks).