Maisam pakisa

◼ Upla mihta ra swiaia ulbi sakanka nani ba naku kabia. Kuswa kati: Yawan sipsa Gâd panika kaia. Kakamuk kati: Smalkisa bukka. Pas yua uplika ra wih kaikuya taim Baibil stadika nani tâ krikaia trai muns. Bara uplika ba Smalkisa bukka brisa sakuna Baibil stadika kum brin daukras kaka, pat luan wauhkataya kum, apia kaka wauhtaya tara kum yabaia sip sa. Lih Wainhka kati: La Atalaya bara ¡Despertad! Uplika ba kau walan daukisa kaka, Tanka Kasak ba Nu Takan mai Daukisa ki? Wauhkataya sirpi ba yas bara Baibil stadika kum tâ krikaia trai muns. Jehova Witniska apia uplika nani Jisas Pruan Kupia Kraukanka ra apia kaka aidrubanka wala nani ra sin bali ba ra wih kaikbia taim Baibil stadika kum tâ krikaia trai munbia. Lih Mairin kati: Isingni nani ba... Sip sa help mai munaia?, apia kaka saura mai munaia? Rait pali, bara bangwisa ki?, Yawan sip sa Gâd panika kaia.

◼ Jisas Pruan Kupia Kraukanka piua lubia ningkara aisanka ba naku kabia: “¿Man lukisma yawan ba tnata yua nani ra iwisa?”

◼ Smalkaia adar âpu kuntrika kum ra bakisan brih impakaia lukisa, bara baha kuntrika nina ba Anuario bukka las ba ra takras kaka, ¿dîa daukaia sip sa? Pliskam pali Betel apiska ra ulbi makabi wals dîa daukaia bara baha kuntrika ra waia lukisma kaka dîa nu kaia sma. Ban kra bahara smalkaia warkka ba uya param pali daukras (Mt. 10:16). Kuntri kum kum ra upla tringsar nani ba adar âpu muihni lakri aikuki aisaia, apia kaka kangrigisan nani ra waia. Baku sin Betel apiska ba mai wiaia sip sa nahki muni ban wina smalkaia warkka ba daukaia bara ulbi sakanka nani brih taukaia sip sma sapa. Man Betel dîa mai wi ba kat daukma kaka, trabil kumi sin âpu kama bara King lâka warkka ra sin trabil kumi sin brih balma apia (1 Ko. 14:33, 40).