Smalkaia Warkka Pâwanka nani

Mexico apiska smalkaia warkka pura kaiki ba maisa pakisa naha 2012 manka ra Siakwa kati ra smalki tataukra numbika ba 900.894 pâwan sa. ¡Uba lilia wan dara walisa 900.000 smalki tataukra numbika wina aima pas kau ailal takan sa! Baku sin, maisa pakisa kuntri walhwal ra smalki tataukra numbika sin ulan: Costa Rica, 27.306; Guatemala, 32.869; Honduras, 20.233, bara Mexico, 740.265. Naha sut ba Jehova yamnika kum sa, kan smalkaia warkka ba takaskraskira daukisa (Taitus 2:14).