Maisam pakisa

◼ Upla mihta ra swibia wauhkataya nani ba naku kabia. Kakamuk kati bara Lih Wainhka kati: La Atalaya bara ¡Despertad! Upla nani ra kli wih kaikbia taim, Smalkisa bukka ba mariks, bara uplika ba nitka kaiki, Gâd bîla wals apia kaka Gâd bîla wals bara ban kaia ra iwma wauhkataya tara nani ba swibia. Baibil stadika kum tâ krikaia trai muns. Lih Mairin kati bara Lî kati: Naha wauhkataya sirpi nani tila wina kum yus muns: Pât Wahwanka Nani Sut Ba Pat ai Tnata Aimakuya!, Tanka Kasak ba Nu Takan mai Daukisa ki? bara Ya Ba, Raitpali, Tasba Withka Sa Ki? Uplika ba kau nu takaia ai brinka sa kaka, mariks nahki Baibil stadika kum tâ krikaia sip sa Smalkisa bukka, Gâd bîla wals apia kaka Gâd bîla wals bara ban kaia ra iwma wauhkataya nani ba wal.

◼ Jisas Pruan Kupia Kraukanka ba Kakamuk kati 26, tiusdi yua, 2013 manka ra daukbia. Kangrigisankam ba tiusdi yua ra aidrubanka brisa kaka, yu wala ra daukaia sip sa, Aidrubanka Watla ra upla âpu sa kaka. Sakuna naha daukaia sip apia, bara Gâd Warkka Daukaia Aidrubanka ba sip daukras kaka, kangrigisan almukka nani warkka pura kaiki ba aisanka nani ba kangrigisan ra hilp munaia ba yu wala ra daukaia sip kabia. Kangrigisan kum ra impaki pura kakaira wih kaikisa, bara tiusdi tihmia ra ai aidrubanka brisa kaka, aitani kabia baha wikka bilara tihmia wala ra baha aidrubanka ba lakaia.