Smalkaia Warkka Pâwanka nani

Siakwa kati 11 wina 13 ba kat, 2013 manka, Aidrubanka Painkira kum Estadio Nacional pliska ra daukan, San José, Costa Rica. Upla nani sut asla takan ba 27.321 banhwi kan, baku sin 368 aihtabi takan. Colombia, Ecuador, Miriki Kuntrika bara México wina muihni lakri 1.705 bâra wan. Baku sin, Tâ Bri Daknika ba wina kristian waitna nani Gerrit Lösch bara Mark Sanderson ba aisanka painkira nani yua bani ra yaban. Naha aidrubanka ba Lawana 133:1 ba wan kupia kraukisa: “¡Kaiks, yamni bara painkira pali sa, muihni nani wal asla lâka ra iwaia ba!”.